Қытай спутниктік интернеті Қазақстанда қашан іске қосылады

ҚР Цифрлық даму, инновациялар және аэроғарыш өнеркәсібі министрлігі биыл Қытайдың Shanghai Spacecom Satellite спутниктік компаниясымен меморандумға қол қоюды жоспарлап отыр, деп хабарлайды Kazinform.

«Біздің міндетіміз – байланыс нарығында бәсекеге қабілетті жағдай жасау. Бұл интернеттің сапасын және қамту аймағын жақсартатын негізгі бағыттардың бірі деп санаймыз. Қазір нақты келіссөздер жүргізудеміз, бірақ әлі меморандумға қол қойылған жоқ. Қытайдың (Shanghai Spacecom Satellite – ред.) компанияларының бірі мұнда станция құруға және біздің шарттарға келісуге дайын екенін білдірді. Биыл 2025 жылы олармен меморандумға қол қойып, мерзімдерді нақтылауды жоспарлап отырмыз.Түсінікті болуы үшін айта кетейін, осы және басқа да қытайлық компаниялар елге келуге ниет танытып отыр. Олар қазір спутниктік станцияларды іске қосу сатысында тұр», – деді ҚР Цифрлық даму, инновациялар және аэроғарыш өнеркәсібі министрлігінің Телекоммуникация комитетінің төрағасы Дамир Сейсембеков