Қазақстан азық-түлік қауіпсіздігінің жаһандық рейтингінде позициясын 32-орынға дейін жақсартты

(Онлайн Халық Газеті)2021 жыл 21 маусым
Қазақстан азық-түлік қауіпсіздігінің жаһандық рейтингінде позициясын 32-орынға дейін жақсартты
Қазақстан азық-түлік қауіпсіздігінің жаһандық рейтингінде позициясын 32-орынға дейін жақсартты

Қазақстан азық-түлік қауіпсіздігінің жаһандық рейтингінде позициясын 32-орынға дейін жақсартты. Бұл туралы ҚР Парламенті палаталарының бірлескен отырысында Премьер-Министр Асқар Мамин айтты, деп хабарлайды ҚазАқпарат тілшісі.

«Негізгі 29 азық-түлік тауары бойынша азық-түлік қауіпсіздігін қамтамасыз ету іс-шараларының аясында 59 жоба, оның ішінде 48 сүт-тауарлы ферма, 3 ет комбинаты, 8 құс фабрикасы салынып, олар 220 мың тоннадан астам өнім өндірді. Ірі қара мал 5,6 пайызға артып 7,8 млн басқа жетті. Ұсақ мал, жылқы саны көбейді», - деді Премьер-Министр.

Үкімет басшысының дерегінше, былтыр 20,1 млн тонна астық және бұршақ дәнді дақыл бастырылды.

Астық сапасы 80 пайызға жақсарды. Бұл – соңғы 5 жылдағы үздік нәтиже саналады.

«Қазақстан 2020 жылы Азық-түлік қауіпсіздігінің жаһандық рейтингінде өз позициясын 113 елдің арасында 32-орынға дейін жақсартты», - деді Асқар Мамин.

 

(Редактор:Shixi,Deng Jie)

Фото