Украинадағы ҚР азаматтары Польша арқылы Қазақстанға жеткізілмек

Қазақстан Украинадағы азаматтарын репатриация рейсі арқылы алып келмек. Бұл туралы ҚазАқпарат Қазақстанның Украинадағы Елшілігіне сілтеме жасап хабарлайды.

«2022 жылдың 25-26 ақпанында «Air Astana» әуе компаниясы Қазақстанның азаматтары үшін репатриация рейсін жүзеге асыру жоспарлануда. Аталған рейс Катовице қаласынан (Польша) жүзеге асырылады. Қазақстан азаматтары үшін Украина-Польша шекарасынан әуежайға дейін визасыз «жасыл дәліз» қамтамасыз етіледі.