2021 жылы Қытайдың жан басына шаққандағы жалпы ішкі өнімі өткен жылмен салыстырғанда 8,0%-ға өсті

28 ақпан, онлайн «Халық Газеті» -- Ұлттық статистика бюросы ақпанның 28-і күні Қытай Халық Республикасының 2021 жылғы ұлттық экономикалық және әлеуметтік даму статистикалық бюллетенін жариялады. Алдын ала есептеулер бойынша, жылдық жалпы ішкі өнім 114,367 триллион юань болып, өткен жылмен салыстырғанда 8,1%-ға өсті, ал екі жылдағы орташа өсім 5,1% болды. Жан басына шаққандағы жылдық ЖІӨ 80976 юань болып, өткен жылмен салыстырғанда 8,0%-ға өсті. Жалпы ұлттық табыс 113351,8 млрд юань болып, өткен жылмен салыстырғанда 7,9%-ға өсті. Жалпы еңбек өнімділігі адам басына шаққанда 146380 юань болып, өткен жылмен салыстырғанда 8,7%-ға өсті.