16 наурызда Қазақстан мен Өзбекстан арасында автобустар қайта жүре бастайды

(Онлайн Халық Газеті)2022 жыл 15 наурыз
16 наурызда Қазақстан мен Өзбекстан арасында автобустар қайта жүре бастайды

16 наурыздан бастап Қазақстан мен Өзбекстан арасындағы автобус қатынасы қайта жанданады, деп хабарлайды ҚазАқпарат Өзбекстанның Көлік министрлігіне сілтеме жасап.

Екі ел тасымалдаушылары келесі маршруттар бойынша рейс жасайтын болады: Ташкент – Нұр-Сұлтан, Ташкент – Алматы, Ташкент –Қызылорда, Ташкент – Түркістан, Ташкент – Іргелі, Шыршық – Шымкент және Шыршық – Алматы.

Ведомство қазіргі кезде Өзбекстаннан Қазақстан арқылы Ресей мен Қырғызстанға транзиттік тасымалдауды ұйымдастыру бойынша келіссөз жүріп жатқанын мәлім етті.

Еске сала кетейік, екі ел арасындағы халықаралық автобус қатынасы тура екі жыл бұрын, 2020 жылдың 16 наурызында коронавирус пандемиясына байланысты тоқтап қалған еді. 

(Редактор:Ардақ Тұрсынтай,Deng Jie)

Фото