Еліміз қызметтерінің импорты мен экспорты өткен жылғы сәйкесті мезгілмен салыстырғанда 33,5%-ға өсті

(Онлайн Халық Газеті)2022 жыл 7 сәуір

7 сәуір, онлайн «Халық Газеті» -- Сауда министрлігінің 6 сәуір күні жариялаған мәліметтеріне қарағанда, биылғы жылдың қаңтар-ақпан айлары аралығында еліміздің жалпы қызмет импорты мен экспорты 953 миллиард 480 миллион юань болып, өткен жылдың осы кезеңімен салыстырғанда 33,5 пайызға артып, қызмет көрсету саудасының жақсы өсу үрдісі тұрақты түрде жалғасты.

Сауда министрлігінің мәліметі бойынша, алғашқы екі айда еліміздің қызмет экспорты 467,58 миллиард юань болып, 39,4 пайызға өсті, импорт 485,9 миллиард юань болып, 28,3 пайызға өсті. Қызмет саудасының тапшылығы 57,6%-ға азайып, 18,31 миллиард юаньға жетіп, бір жыл бұрынғыдан 24,91 миллиард юаньға азайды. Негізінен келесі сипаттамаларды көрсетеді:

Білімді қажет ететін қызметтер саудасы тұрақты өсті. Қаңтар-ақпан айлары аралығында еліміздің ғылымды қажет ететін қызмет импорты мен экспорты 382,4 миллиард юаньға жетіп, 17,9 пайызға өсті. Оның ішінде экспорт 20,3%-ға өсті, ал зияткерлік меншік роялти, телекоммуникациялық компьютерлік және ақпараттық қызмет көрсету және басқа да коммерциялық қызметтер, тиісінше 72,1%-ға, 25,7%-ға және 17,1%-ға өсті, ал импорт 15%-ға өсті, ондағы ең жылдам өскен сала сақтандыру қызметтері болып, 124,9%-ға өсті.

Туристік қызметтердің импорты мен экспорты біршама қалпына келді. Қаңтар-ақпан айлары аралығында еліміздің туристік қызмет импорты мен экспорты 149,77 миллиард юань болып, 16,9 пайызға өсті, оның ішінде экспорт 7,1 пайызға төмендеп, импорт 19,1 пайызға өсті.

(Редактор:Ыбырай Дүйсен,Deng Jie)

Фото