Си Цзиньпин Сянгандағы ғылыми саябақта қызметтік тексерісте болды

1 шілде, онлайн «Халық Газеті» -- 30 маусым күні түстен кейін Төраға Си Цзиньпин Сянган арнайы әкімшілік регионының бас атқарушысы Кэрри Лам Чен Юэт-нгормен бірге Сянган ғылыми саябағында қызметтік тексерісте болып, Сянгандағы Қытай Ғылым академиясы мен Қытай инженерлік академиясының академиктерімен, ғылыми қызметкерлерімен, жас инновациялық және технологиялық кәсіпорындардың өкілдерімен жылы пікірлесті.

Сянган ғылыми сябағы Сянгандағы ең ірі технологиялық ҒЗТКЖ және бизнес-инкубациялық база болып табылады. Онда қазіргі уақытта 1100-ден астам компания және 17000-нан астам I&T тәжірибешілері бар. Ғылыми орталық көптеген танымал отандық және шетелдік ғылыми зерттеу мекемелері мен университеттерін зертханалар құруға жұмылдырады.

Си Цзиньпин ғылыми парктің көрме залында Сянгандағы инновациялар мен технологияның дамуы, Шэньчжэнь мен Сянганның инновациялар мен технологиялық жетілуінің өзара ықпалдастығы және Сянган ғылыми паркінің дамуы туралы таныстыруларды тыңдап, Сянгандағы өкілдік инновациялық және технологиялық кәсіпорындардың көрмесін тамашалады. Си Цзиньпин соңғы жылдары Орталық үкіметтің қолдауымен Сянган өз мүмкіндіктерін оңтайлы пайдаланып, іргелі зерттеулерде, дарындыларды дайындауда, инновация және технология саласын дамытуда тамаша жетістіктерге жеткенін атап көрсетті. Арнайы әкімшілік регион үкіметі бүгінгі заманның жалпы тенденциясын игеріп, инновация мен технологияның дамуына басымдық беріп, әрі қарай ғылыми-техникалық жаңалықтарды қолдап, жетекшілік рөлін толық орындауы керектігін айтты.