Қазақстандық таеквондошы Israel Open турнирінде «қола» алды

Израильдің Тель-Авив қаласында таеквондодан өтіп жатқан Israel Open халықаралық турнирінде қазақстандық спортшы Рита Бакишева қола медальға ие болды, деп хабарлайды ҚазАқпарат федерацияның баспасөз қызметіне сілтеме жасап.

Р.Бакишева 46 келіге дейінгі салмақ дәрежесінде үшінші орын алды.

Әлемдік рейтинг ұпайлары ойналатын жарысқа 30 елден 227 спортшы қатысып жатыр.

Турнирге қазақстандық таеквондошылар арасында тек Рита Бакишева қатысты.