Қазақстанның Қытайдағы елшісі: Қытай мен Қазақстан арасындағы үшінші теміржол порты салады

31 қазан, онлайн «Халық Газеті» -- 28 қазан күні Қазақстанның Қытайдағы Елшісі Шахрат Нұрышев Қазақстанның Қытайдағы Елшілігінде баспасөз мәслихатын өткізіп, Қазақстан-Қытай қарым-қатынастарын дамыту, Қазақстанда жақында өткізілген ірі халықаралық іс-шаралар мен басқа да тақырыптар туралы сөз сөйледі.

Ш.Нұрышев биыл Қазақстан мен Қытай арасындағы дипломатиялық қатынастардың орнағанына 30 жыл толғанын айтты. Көп жылдан бері екі ел тату көршілік, өзара сенім және өзара тиімділік аясында ынтымақтастықты дамытты. Қазір екі ел арасындағы қарым-қатынас бұрын-соңды болмаған деңгейге – тұрақты және жан-жақты стратегиялық әріптестікке қол жеткізді. Бұл Қазақстан мен Қытай - қос тараптың дипломатиялық тарихындағы бірегей жағдай. Екі ел арасында үлгілі мемлекетаралық қатынастарды шынайы орнатты.

Екі ел арасындағы қатынастар саясат, экономика, сауда, мәдениет және гуманитарлық ғылымдар сияқты әртүрлі салаларда тығыз дамыды. Екі елдің берік құқықтық құрлысы және ынтымақтастықтың көп деңгейлі тетіктерінің жүйесі бар. «Бір белдеу, бір жол» жобасы аясында екі ел арасындағы ынтымақтастық барлық елдер үшін үлгі болды.

Бүгінде Қытай Қазақстанның ірі сауда серіктесі болып табылады. Соңғы 30 жылда екі ел арасындағы сауда көлемі 70 еседен астам өсіп, 2021 жылы 25,2 миллиард АҚШ долларына жетті. Осы жылдың қаңтарынан қыркүйегіне дейін сауда көлемі 23,2 миллиард АҚШ долларына жетіп, 22,5% - ға ұлғайды.

Қытай 22 миллиард АҚШ доллары көлемінде тікелей инвестициялары бар Қазақстанға маңызды инвесторлардың бірі болып табылады. «Бір белдеу, бір жол» құрылысы аясындағы екі ел арасындағы ынтымақтастық көлік және логистика, өнеркәсіп, ауыл шаруашылығы, энергетика, туризм және басқа да салаларды қамтитын жалпы сомасы 21 миллиард АҚШ долларынан асатын 52 инвестициялық жобаны қамтиды. Соңғы жылдары Қазақстанның Астана халықаралық қаржы орталығы да Қытайдың ірі қаржы институттарымен жемісті ынтымақтастық орнатуда.

Тілшінің Қытай, Қазақстан және басқа да елдер бірлесіп салған «Қос батыс тасжолы» халықаралық көлік дәлізі (толық атауы «Батыс Қытай - Батыс Еуропа» халқаралық тасымал дәлізі) құрылысының соңғы жетістіктері туралы, сондай-ақ Қытай мен Қазақстан арасындағы порттар, теміржол сияқты инфрақұрылым логистикасы саласындағы ынтымақтастық туралы сұрағына жауап ретінде Ш.Нұрышев инфрақұрылым саласындағы ынтымақтастық, әсіресе көлік құралдары екі ел арасындағы экономикалық және сауда қатынастарының маңызды бөлігі болып табылатынын айтты. Қазақстан Қытайдың «Бір белдеу, бір жол» бастамасы аясындағы инфрақұрылымдық ынтымақтастыққа белсенді қатысты және Қытай-Қазақстан Ляньюньган логистикалық бірлестік базасы мен Қорғас құрғақ порты сияқты жобалар айтарлықтай нәтижелерге қол жеткізді. Қазіргі уақытта екі ел Қытайдың Тарбағатай аймағы мен Қазақстанның Абай облысы арасындағы бұрынғы Бақты тасжол шекарасында үшінші теміржол портын салуды талқылауда.

Теміржол саласында «Қос батыс тасжолының» Қытай мен Қазақстандағы бөлігінің құрылысы аяқтады. Елші Ш.Нұрышев жақында Ресейдің тиісті тараптары берген сұхбатында Ресейдегі жол учаскесінің құрылысы алдағы бір-екі жылда аяқталуы мүмкін екенін айтқанын жеткізді. Қазақстан бұған қолдау білдірді. Егер «Қос батыс тасжолы» құрылысы жоспарға сәйкес дами алса, бұл тиісті елдердің жүктерді тасымалдау әлеуетін едәуір арттырады.

Ш.Нұрышев: «Қытай мен Қазақстан – екі тарап та жауапкершілігі күшті ел. Көп жылдан бері екі ел Біріккен Ұлттар Ұйымы, Шанхай ынтымақтастық ұйымы және Азиядағы өзара іс-қимыл және сенім шаралары жөніндегі кеңес сияқты көпжақты ұйымдар аясында тығыз ынтымақтастықты жүзеге асырды және Азия аймағының қауіпсіздігі мен тұрақтылығын қамтамасыз етуге өз үлестерін қосты. Жаһандық экономикалық құлдырау жағдайында екі ел арасындағы экономикалық және сауда ынтымақтастығы әлемдік экономиканың қалпына келуіне және өсуіне оң ықпал етеді»,- деді.

Баспасөз мәслихатында Ш.Нұрышев сондай-ақ келесі жылға дейінгі Қазақстан Үкіметінің сайлау күн тәртібін жариялады және жақында өткен Әлемдік және дәстүрлі діндер лидерлерінің жетінші съезі мен Қазақстанда өткізілген Азиядағы өзара іс-қимыл және сенім шаралары жөніндегі кеңестің алтыншы саммиті толық табыспен өткенін хабарлады.