«Қытайдың дәстүрлі шай дайындау дағдылары және оған қатысты әдет-ғұрыптар» ЮНЕСКО-ның материалдық емес мәдени мұра тізіміне енді

30 қараша, онлайн «Халық Газеті» -- тілшінің мәдениет және туризм министрлігінен алған мәліметіне сәйкес, Бейжің уақытымен 29 қараша күні кешке, еліміз өтініш берген «Қытайдың дәстүрлі шай дайындау дағдылары және оған қатысты әдет-ғұрыптар» Марокконың Рабат қаласында өткен ЮНЕСКО-ның материалдық емес мәдени мұраны қорғау жөніндегі Үкіметаралық комитетінің 17-нші кезекті сессиясында тексеріліп, ЮНЕСКО-ның адамзаттың материалдық емес мәдени мұрасы өкілдік жұмыстарының тізіміне кірді.

Қытайдың дәстүрлі шай дайындау дағдылары және оған қатысты әдет-ғұрыптар - шай бақшасын басқаруға, шай жинауға, шайды қолдан әзірлеуге, шай ішуге және бөлісуге байланысты білім, дағдылар мен тәжірибелер.

Ежелгі заманнан бастап қытайлықтар шай өсіруге, шай жинауға, шай қайнатуға және шай ішуге баса мән берген. Олар дами келе жасыл шай, сары шай, қара шай, ақ шай, улон шайы және қызыл шай сияқты алты негізгі шай түрі мен гүлді шай сияқты қайта өңделген шайларды әзірлеген. Сондай-ақ 2000-нан астам түрді қосып, көпшіліктің шайдың дәмін татып, шайдан ләззат алуына мүмкіндік берді.

Дәстүрлі шай дайындау дағдылары негізінен Цинлин тауы, Хуайхэ өзенінің оңтүстігі мен Цинхай-Тибет үстіртінің шығысында орналасқан Янцзы өзенінің оңтүстік-солтүстігі, Оңтүстік Қытай мен оңтүстік-батыс Қытай сынды төрт негізгі шай аймағында шоғырланған. Осыған байланысты шайға қатысты әдет-ғұрыптар бүкіл елге кең таралған және бұл әдет-ғұрыптар көптеген этникалық топтарға ортақ. Шай дайындаудың жетілген және дамыған дәстүрлі дағдылары мен олардың кең де кемелді әлеуметтік тәжірибелері Қытай ұлтының шығармашылығы мен мәдени әртүрлілігін көрсетеді. Сонымен бірге шай мен аспан асты, кеңпейілділік пен ортақ өмір сүру дәстүрін жалғастырып келеді.

Ұлы Жібек жолы, ежелгі шай жолы т. б. жолдардың арқасында шай бүкіл тарихты қамтып, ұлттық шекараны кесіп өтіп, әлем халықтарының ықыласына бөленді. Сөйтіп шай дәстүрі Қытай мен бүкіл әлем елдерінің бір-бірін тануының маңызды құралына айналды. Сол сияқты Қытай өркениеті мен әлемдегі басқа өркениеттер алмасуының дәнекері, адамзат өркениетінің ортақ байлығы деп танылды.

Бүгінгі таңда Қытайдың барлығы 43 жобасы ЮНЕСКО-ның материалдық емес мәдени мұра тізіміне енгізіліп, әлем бойынша бірінші орынды иеленді.