Алғашқы 11 айда Қытайдың RCEP мүше елдерімен импорты мен экспорты өткен жылғы сәйкес мезгілмен салыстырғанда 7,9%-ға өсті

30 желтоқсан, онлайн «Халық Газеті» -- 29 желтоқсанда Қытай Сауда министрлігі жариялаған деректерге сәйкес, Қытай мен аймақтық экономикалық серіктестік туралы келісімге (RCEP) қатысушы елдердің жалпы импорты мен экспорты ағымдағы жылдың қаңтар-қараша айлары аралығында 11,8 трлн юаньды құрап, өткен жылғы сәйкес мезгілмен салыстырғанда 7,9%-ға өскен. Бұл көрсеткіш Қытайдың сыртқы сауда импорт пен экспорты жалпы көлемінің 30,7%-ын құрайды.

Сауда министрлігінің өкілі Шу Цзюэтин Сауда министрлігі өткізген тұрақты онлайн-баспасөз конференциясында осы жылдың қаңтар-қараша айлары аралығында Қытайдың RCEP-ке мүше басқа елдерге экспорты 6,0 трлн юаньға жетіп, өткен жылғы сәйкес мезгілмен салыстырғанда 17,7%-ға өскенін, бұл ұлттық экспорттың жалпы өсу қарқынынан 5,8 пайыздық тармаққа жоғары екенін айтты.