Қытай экономикасының «Жасыл элементі» айтарлықтай өсті

10 ақпан, онлайн «Халық Газеті» -- Қытай экономикасының «Жасыл элементі» айтарлықтай өскені туралы бірнеше мәліметтер:

Қытай әлемдегі ең ірі жасыл сауда экономикасына айналды

2021 жылы Қытайдың «жасыл» сауда көлемі 1161,09 миллиард АҚШ долларына жетіп, Еуропалық одақтан асып түсті. Сондай-ақ әлемдегі ең ірі «жасыл» сауда экономикасына айналды. Бұл әлемдік көлемнің 14,6%-ын құрайды, бұл 2020 жылмен салыстырғанда 1,5 пайыздық тармаққа жоғары.

Дереккөз: Сауда министрлігі халықаралық сауда және экономикалық ынтымақтастық институты, «Қытайдағы жасыл сауданы дамыту туралы есеп (2022)»

Жасыл индустрияның ауқымы өсіп жатыр

Қытайдағы жаңартылатын энергия өнеркәсібі қарқынды дамып келеді. Жел энергетикасы және фотоэлектрлік электр энергиясын өндіру сияқты таза энергетикалық жабдықтарды өндіру ауқымы бойынша әлемде бірінші орында. Ал полисиликон, кремний пластиналары, батареялар мен компоненттер әлемдік өндірістің 70%-дан астамын құрайды.

Энергия үнемдеу және қоршаған ортаны қорғау саласындағы өндіріс көлемі 2021 жылы 8 трлн юаньнан асты.

Дереккөз: Мемлекеттік Кеңестің ақпарат басқармасы шығарған «Қытайдың жаңа дәуірдегі жасыл дамуы» ақ кітабы

Таза энергияны тұтыну үлесі айтарлықтай өсті

2021 жылдың соңына қарай Қытайдағы таза энергияны тұтыну үлесі 2012 жылғы 14,5%-дан 25,5%-ға дейін өсті, ал көмір тұтыну үлесі 2012 жылғы 68,5%-дан 56,0%-ға дейін төмендеді; жаңартылатын энергия көздерінен электр энергиясын өндірудің белгіленген қуаты 1 миллиард киловаттан асты. Бұл Қытайдағы жалпы электр энергиясын өндірудің 44,8%-ын құрайды. Электр энергиясын өндірудің жалпы белгіленген қуатының ішінде су электр, жел және фотоэлектрлік энергия өндірісі 300 миллион киловаттан асып, әлемде бірінші орынға шықты.

Дереккөз: Мемлекеттік Кеңестің ақпарат басқармасы шығарған «Қытайдың жаңа дәуірдегі жасыл дамуы» ақ кітабы

Экологиялық технологиялар саласындағы инновациялардың жемісі мол

2021 жылдың соңына қарай Қытайдың энергияны үнемдеу және қоршаған ортаны қорғау индустриясында 49 000 тиімді өнертабыс патенті және жаңа энергетика саласындағы 60 000 тиімді өнертабыс патенті тіркелді. 2011 жылдан 2020 жылға дейін Қытайдағы экологиялық технологиялардың өнертабыстарына патенттік өтінімдердің жалпы саны бүкіл әлем бойынша шамамен 60%-ды құрады, Қытай әлемдегі экологиялық технологиялар инновацияларын ең белсенді енгізген ел саналады.

Дереккөз: Мемлекеттік Кеңестің ақпарат басқармасы шығарған «Қытайдың жаңа дәуірдегі жасыл дамуы» ақ кітабы

Экологиялық өнімдердің сауда ауқымы айтарлықтай өсті

2021 жылы қоршаған ортаны қорғау технологиялары саласындағы Қытай өнімдерінің импорты мен экспортының көлемі 8875,23 млрд АҚШ долларын құрап, өткен жылғы сәйкесті кезеңмен салыстырғанда 23,6%-ға өсті. Ал жаңартылатын энергия көздерінен алынатын өнімдердің импорты мен экспортының көлемі 2239,27 млрд АҚШ долларын құрап, өткен жылғы сәйкесті кезеңмен салыстырғанда 28,5%-ға өсті. Сонымен қатар көміртекті ұстау және сақтау өнімдерінің импорты мен экспортының көлемі (CCS) 338,9,63 миллиард АҚШ долларын құрап, өткен жылғы сәйкесті кезеңмен салыстырғанда 31,7%-ға өсті.

Дереккөз: Сауда министрлігі халықаралық сауда және экономикалық ынтымақтастық институты, «Қытайдағы жасыл сауданы дамыту туралы есеп (2022)»,

Электромобильдер, фотоэлектрлік және литий батареялары сыртқы сауда экспортындағы «жаңа үштікке» айналды

2022 жылы «Жасыл» трансформацияға ықпал ететін жоғары қосылған құны бар Қытайдың жоғары технологиялық өнімдері экспорттың өсуінің жаңа нүктесі болады. 2022 жылы электромобильдердің экспорты 131,8%-ға, фотоэлектрлік өнімдер 67,8%-ға, литий батареялары 86,7%-ға артты.

Дереккөз: Мемлекеттік Кеңестің Ақпараттық Бюросының 2023 жылғы 2 ақпандағы баспасөз мәслихаты