Үкіметтің жұмысы туралы есептің ықшамдалған нұсқасы

5 наурыз, онлайн «Халық Газеті» -- 5 наурызда Премьер-министр Ли Кэцян 14-інші мемлекеттік Халық Құрылтайының бірінші сессиясында Үкіметтің жұмысы туралы есеп берді. Есепте төмендегідей негізгі мәліметтер қамтылды：

1. Өткен жыл мен бес жылдық мерзімдегі жұмысқа шолу

Өткен жыл：

ЖІӨ - нің бір жыл ішіндегі өсу көрсеткіші 3% болды.

Жылдық қосылған құн салығын шегеру мен салықты қайтару 2,4 трлн юаньнан асты.

Кедейліктен арылғандардың жұмыспен қамтылу ауқымы 32 миллионға жетті.

Соңғы бес жыл：

Жалпы ішкі өнім 121 трлн юаньға дейін өсіп, бес жылдағы орташа жылдық өсім 5,2%-ға жетті.

Астық өндірісі ұзақ уақыт тұрақты түрде 650 млн тонна көрсеткішті сақтады.

Қала деңгейіндегі аудандарда жаңа жұмыс орындарының іске қосылу өсімі 12,7 млн. болды.

Сегіз жылдық үздіксіз жұмсалған күш-жігердің арқасында 100 миллионға жуық ауылдық жердегі әлеуметтік осал топтар кедейліктен арылды.

2. Биылғы жылы күтілетін негізгі даму мақсаттары

ЖІӨ өсім шамамен 5%-ды құрау.

Қалалық жерлерде шамамен 12 миллион жаңа жұмыс орнын құру.

Тұрғындардың тұтыну бағасын шамамен 3%- ға өсіру.

Астық өндірісін 650 млн тоннадан жоғары деңгейде сақтау.

3. Биылғы жылғы Үкімет жұмысы бойынша ұсыныстар

Қаржы: тиімділікті арттыру үшін фискалдық саясаттың белсенділігін күшейту. Тапшылық ставкасы 3% деңгейінде белгіленуі тиіс.

Салық жеңілдіктері: салықтар мен алымдарды азайту. Салықтарды қайтару және салық жеңілдіктері сияқты ағымдағы шараларды жалғастыру және оңтайландыру.

Жұмыспен қамту: жастарды, әсіресе колледж түлектерін жұмысқа орналастыруға көбірек көңіл бөлу.

Эпидемияның алдын алу және онымен күресу: вакциналарды үнемі жетілдіруге және жаңа дәрі-дәрмектерді жасауға ықпал ету. Сондай-ақ көпшіліктің медициналық көмек пен дәрі-дәрмектерге қажеттіліктерінің тиімділігін қамтамасыз ету.

Тұтыну: жаппай тұтынуды тұрақтандыру және тұрмыстық ахуалды қамтамасыз ету қызметтерін тұтынуды қалпына келтіруге ықпал ету.

Мемлекеттік инвестициялар: биылғы жылы жергілікті өзін-өзі басқару ұйымдары үшін 3,8 трлн юаньға арнайы облигациялар орналастыру жоспарлануда.

Өңдеу өнеркәсібінің негізгі өндірістік тізбектері: жоғары сапалы ресурстарды шоғырландырып, негізгі технологиялық зерттеулерді ілгерілетуге басымдық беру.

Цифрлық экономика: нормаланған қадағалау деңгейін арттыру және платформаның экономикалық дамуын қолдау.

Жеке экономика: жеке кәсіпорындардың меншік құқығын, сондай-ақ заңға сәйкес кәсіпкерлердің құқықтары мен мүдделерін қорғау. Жеке экономика мен жеке кәсіпорындардың дамуы мен өсуін ынталандыру.

Шетелдік капиталды тарту: шетелдік капитал кірістірілген ірі жобаларды жасап, іске асуына жәрдемдесу.

Негізгі экономикалық және қаржылық тәуекелдердің алдын алу және қорғану: жоғары сапалы жылжымайтын мүлік компанияларының сын-қатерлерін болдырмаудың тиімді жолдарын қарастыру және олардың активтері мен міндеттемелерінің мәртебесін жақсарту. Жергілікті өзін-өзі басқару ұйымдарының қарыз тәуекелдерін болдырмау және қарызды өтеу құрылымын оңтайландыру.

Ауылды жандандыру: жергілікті жердегі өзіндік ерекше салаларды дамыту және фермерлердің кірістерін арттыратын арналарды кеңейту.

Жасыл трансформация: негізгі аймақтарда энергияны үнемдеп, көмірқышқыл газын азайтуға ықпал ету. Көк аспан, таза су және таза жер үшін атқарылатын шараларды жалғастыру.

Тұрғын үй: тұрғын үй қажеттіліктерін қолдау және тұрғындар мен жастардың тұрғын үй мәселелерін шешу.

Білім: міндетті білім берудің жоғары сапалы және теңгерімді дамуына, қала мен ауылдың интеграциясына жәрдемдесу.

Медициналық қызмет көрсету: жоғары сапалы медициналық ресурстарды кеңейту және теңгерімді аймақтық орналасуға ықпал ету.

Әлеуметтік қамсыздандыру: қарттарды күтімдеу кепілдіктерін күшейту және отбасын қолдау саясатының жүйесін жетілдіру.

Сянган мен Аомэньның дамуы: Сянган мен Аомэнь экономикасын дамыту және адамдардың өмір сүру жағдайларын жақсартуды қолдау.

Тайвань мәселесі: «тәуелсіздікке» үзілді-кесілді қарсы тұру, бұғаздың қос тарап қатынасының ынтымақты дамуына және Отанды бейбіт жолмен біріктіру процесіне ықпал ету.