«Бір белдеу, бір жолдың» цифрлық мәліметтері

31 наурыз, онлайн «Халық Газеті» -- Даму мақсатындағы халықаралық ынтымақтастықтың тетігі мен мазмұнын байытып, маршрут бойында орналасқан елдердің дамуына маңызды серпін берген «Бір белдеу, бір жол» бастамасы іске қосылғанына он жыл өтті. Осы жылдың ақпан айының ортасындағы жағдай бойынша Қытай «Бір белдеу, бір жолды» бірлесіп салу үшін 151 елмен және 32 халықаралық ұйыммен ынтымақтастық туралы 200-ден астам құжатқа қол қойды.

Сауда және инвестициялық ынтымақтастық - «Бір белдеу, бір жол» бірлескен құрылысының маңызды мазмұны. 2013 жылдан 2022 жылға дейін еліміз бен «Бір белдеу, бір жол» бойында орналасқан елдер арасындағы тауар саудасының көлемі 1,04 трлн АҚШ долларынан 2,07 трлн АҚШ долларына дейін ұлғайып, екі есеге жуық өсті. Әсіресе, 2022 жылы еліміз бен «Бір белдеу, бір жол» бойындағы елдер арасындағы импорт пен экспорттың ауқымы рекордтық жоғары деңгейге жетіп, еліміздің жалпы сыртқы сауда көлемінің 32,9%-ын құрап, өткен жылмен салыстырғанда 3,2 пайыздық тармаққа өсті. Ал 2013 жылмен салыстырғанда 7,9 пайыздық тармаққа артты.

Сонымен қатар маршрут бойында орналасқан елдермен екіжақты инвестициялар жаңа деңгейге көтеріліп, көптеген саланы қамтыды. 2022 жылдың соңына қарай қытайлық компаниялар маршрут бойындағы елдерде салынған шетелдік экономикалық және сауда ынтымақтастық аймақтарына барлығы 57,13 миллиард АҚШ долларын инвестициялады. Сонымен қатар бұл бастама ұсынылғаннан бері объектілердің өзара байланысы үнемі тереңдей түсті.

Қытай-Еуропа пойыздары Азия мен Еуропа арасында жаңа құрлық тасымалы арнасын ашты. Осы жылдың алғашқы екі айында Қытай-Еуропа пойыздары жалпы 2 698 пойыз және 287 000 TEU жөнелтіліп, өткен жылдың сәйкес кезеңімен салыстырғанда сәйкесінше 8%-ға және 18%-ға өсті. Бұл халықаралық өндірістік жеткізу тізбегінің тұрақтылығы мен үздіксіз жұмыс істеуін қамтамасыз етуге қуатты қолдау болды. Осы жылдар ішінде бірқатар ірі ынтымақтастық және халық тұрмысы жобасы жүзеге асырылды. Қытай-Лаос теміржолы және Венгрия-Сербия теміржолы сияқты негізгі маршруттарды пайдалану және салу біркелкі жүріп жатыр. Ауыл шаруашылығы, денсаулық сақтау және кедейлікпен күресу сияқты бірқатар халық тұрмысы жобалары бірінен соң бірі жүзеге асырылып келеді, бұл маршрут бойында орналасқан елдердің тұрғындарына айтарлықтай пайда әкеледі.