Тұңғыш отандық ауқымды круиздік кеме сәтті суға шықты

7 маусым, онлайн «Халық Газеті» -- 6 маусым күні Қытайдың алғашқы ауқымды «Aida Modu» отандық круиздік кемесі ресми түрде кемежайдан шықты. Бұл круиздік кеменің негізгі корпусының аяқталуын және терминал айлағының сынақ пайдалану кезеңіне өткенін білдіреді.

«Aida Moduдің» жалпы салмағы 135,500 тонна, ұзындығы 323,6 метр, ені 37,2 метр, максималды шөгімділігі 8,55 метр және максималды жылдамдығы 22,6-ді құрайды. Кемедегі жабдықталған 2125 қонақ бөлмесіне 5246 жолаушыға дейін орналаса алады. Мәліметтерге сәйкес, мұнда 6-ға жуық стандартты футбол алаңы мен биіктігі 16 қабатқа жуық келетін үлкен тұрғын және ойын-сауық аймағы бар. «Aida Modu» круиздік кемесінде үлкен өнер орталықтары, өзіндік ерекшелігі бар мейрамхана жүйесі, бар, кафе, өнер дәліздері, курорт аймақтары, аквапарктер және басқа да демалыс және ойын-сауық орындары іске қосылған. Бұл ірі отандық круиздік кеме «теңіздегі заманауи қаланы» елестетеді.

Қазіргі уақытта «Aida Moduдің» жалпы әлеуеті 94,62%-ға, ал құрылыс барысы 92,159%-ға жетті. Жоспарға сәйкес, кеме шілде және тамыз айларында электр станциясын, өрттен қорғауды, өрт дабылын, құтқару құралдарын, байланыс пен навигацияны, тербеліс пен шуды, портқа аман оралуды және круиздік қауіпсіздікке қатысты басқа да мүмкіндіктерді толық тексеру үшін, екі теңіз сынағын өткізеді. Бас бөлме мен қоғамдық аумақтардың жөндеу жұмыстары жыл соңына дейін аяқталып, қолданысқа беріледі.