Си Цзиньпин Ш.Мирзиеевті Өзбекстан Президенті болып сайлануымен құттықтады

11 шілде, онлайн «Халық Газеті» -- ҚХР Төрағасы Си Цзиньпин 10 шілдеде Ш.Мирзиеевке қоңырау шалып, оны Өзбекстан Президенті болып сайлануымен құттықтады.

Си Цзиньпин соңғы жылдары өзара бірлескен басшылықтың арқасында Қытай-Өзбекстан қатынастары қарқынды дамуға қол жеткізгенін және әртүрлі салалардағы ынтымақтастықтың жан-жақты нығайғанын атап өтті. Төраға «Мен өзара орныққан қызметтік қарым-қатынас пен жеке достықты бағалаймын. Сізбен Қытай-Өзбекстан жан-жақты стратегиялық серіктестіктің тұрақты дамуына ықпал етіп, тағдыры ортақ Қытай-Өзбекстан қауымдастығының құрылысына жаңа серпін беру үшін жұмыс істеуге дайынмын», - деді.