Қазақстан Азия ойындарында алғашқы алтын медальге ие болды

Ханчжоуда өтіп жатқан Азия ойындарында стендтік атудан Қазақстан әйелдер құрамасы алтын медаль жеңіп алды. ҚазАқпарат бұл туралы Olympic.kz-ке сілтеме жасап хабарлайды.

“Скиттегі” топтық сайыста Зоя Кравченко, Әсем Орынбай және Ольга Панарина жеңіске жетті. Қазақстан спортшылары сондай-ақ Азия ойындарының рекордын орнатты.

Айта кетейік, қазіргі кезде Қазақстан қоржынында 10 медаль бар: 1 алтын, 2 күміс, 7 қола.

23 қыркүйекте басталған додаға спорттың 30 түрінен 524 Қазақстандық (262 ер, 262 әйел) бақ сынап жатыр. Жазғы ойындар 8 қазанға дейін жалғасады.