2027 жылғы жеңіл атлетикадан әлем чемпионаты Бейжіңде өтеді

29 ақпан, онлайн «Халық Газеті» --  Бейжің уақыты бойынша 29 ақпанда таңертең Дүниежүзілік Жеңіл Атлетика Федерациясы Англияның Глазго қаласында 234-інші отырысын өткізді. Кездесуде 2027 жылғы Жеңіл атлетикадан әлем чемпионаты Бейжіңде өтеді деп ұйғарылды. Бұл Бейжіңнің 2015 жылдан 12 жыл өткеннен кейін жеңіл атлетикадан әлем чемпионатын екінші рет өткізуі болып табылады.

Дүниежүзілік Жеңіл Атлетика Федерациясының төрағасы Себастьян Коу Бейжіңді 2027 жылы жеңіл атлетикадан әлем чемпионатын өткізуге сәтті өтінімімен құттықтады. «Қытай-әлемдегі ең ірі спорт нарығының бірі. 2023 жылғы Дүниежүзілік Жеңіл Атлетика Гауһар Лигасы Қытайдан барлығы 368,9 миллион КӨРЕРМЕН жинады. Дүниежүзілік Жеңіл Атлетика Федерациясы үшін мұндай нәтиже Қытайда жеңіл атлетиканы дамытуға және спорт әуесқойларының базасын кеңейтуге жақсы мүмкіндік бар екенін көрсетеді», - деді Себастьян Коу.

Қытай Жеңіл Атлетика Қауымдастығы төрағасының орынбасары және Дүниежүзілік Жеңіл Атлетика Федерациясының басқарма мүшесі Ван Нань Дүниежүзілік Жеңіл Атлетика Федерациясына Бейжіңге сенімі үшін алғыс айтты. Ван Нань Қытайдың Жеңіл Атлетика Қауымдастығы Бейжіңдегі Жеңіл Атлетикадан 2027 жылғы Әлем Чемпионатының ең жоғары стандарттарға сай өтуін қамтамасыз етуге және жеңіл атлетикадан тамаша Әлем Чемпионатын ұсынуға тырысатынын айтты.

2015 жылғы Бейжіңдегі Жеңіл Атлетикадан Әлем Чемпионатында Қытайдың жеңіл атлетика құрамасы 1 алтын, 7 күміс және 1 қола медаль жеңіп алып, медальдар кестесінде 11 орынға тұрақтаған еді.