ҚХР Төрағасы мен ҚР Президенті Қытайдағы «Қазақстан туризм жылының» ашылу салтанатына қатысушыларға құттықтау хаттарын жолдады

1 сәуір, онлайн «Халық Газеті» -- 29 наурыз күні Қытай Төрағасы Си Цзиньпин мен Қазақстан Президенті Қ.К.Тоқаев жеке-жеке 2024 жылғы Қытайдағы «Қазақстан туризм жылының» ашылу салтанатына құттықтау хаттарын жолдады.

Си Цзиньпин Қытай мен Қазақстанның тату көршілер, жақсы достар және жақсы серіктестер екенін атап өтті. Екі ел халқының мыңдаған жылдар бойы достық алмасу тарихы бар және олар бірге ежелгі Жібек жолы өркениеттерінің өзара алмасу және өзара үйренуінің тамаша жырын жазды. 2013 жылы мен алғаш рет Қазақстанда «Жібек жолы экономикалық белдеуін» бірлесіп салу туралы бастаманы ұсындым. 10 жылдан астам уақыт бойы екі ел «Бір белдеу, бір жол» бірлескен құрылысын магистральдық желі ретінде алға жылжытып келеді және әртүрлі салалардағы ынтымақтастық жемісті нәтижелерге қол жеткізіп, екі елдің халқына бақыт жаратып, Қытай мен Қазақстан арасындағы мыңжылдық Жібек жолы достығын жандандырды.

Си Цзиньпин мәдени алмасу мен туристік ынтымақтастық Қытай мен Қазақстан халқының жүректерін тоғыстыратын маңызды көпірлер мен байланыстар екенін атап өтті. Соңғы жылдары екі ел арасындағы мәдени ынтымақтастық өркендеді, визадан босату туралы өзара келісім күшіне енді, өзара мәдени орталықтар құру туралы келісімге қол қойылды, Лу Бань шеберханасы Қазақстанда ашылды, жастар алмасулары жиі таралды, кадрлар алмасу барған сайын көбейді, халық достығының негізі барған сайын нығая түсті. Өткен жылы мен Президент Тоқаевпен бірлесіп 2024 жыл Қытайдағы «Қазақстан туризм жылы» болатынын жарияладым. Екі ел туризм жылын туристік ынтымақтастықты тереңдету, кадрлармен алмасуды жандандыру және мыңжылдық достықты жалғастыру, сондай-ақ Қытай-Қазақстан қарым-қатынасының жаңа «алтын отыз жылын» құру үшін бірлесіп жұмыс істеу мүмкіндігі ретінде пайдаланып, тағдыры ортақ Қытай-Қазақстан қоғамдастығын құруға жаңа үлес қосады деп үміттенемін.

Қ.К.Тоқаев өзінің құттықтау хатында Қазақстан мен Қытайдың тату көрші екенін, саяси өзара сенімнің тереңдей түскенін, түрлі салалардағы ынтымақтастықтың жемісті нәтижелерге қол жеткізгенін және екі ел арасындағы қарым-қатынастың жаңа «алтын отыз жылын» құру үшін жұмыс істеп жатқанын айтты. Қазақстанның ұзақ тарихы мен мәйекті мәдениеті, көптеген көрікті жерлері, керемет табиғат көріністері, ақ көңіл де қонақжай халқы бар. Бұл Қытайлық туристер үшін ең танымал туристік орынға айналуы әбден мүмкін. Қазақстан қытайлық туристердің Қазақстан туралы түсінігін жан-жақты нығайту, Қазақстан мен Қытай арасындағы ұрпақтан-ұрпаққа жалғасып келе жатқан достықты одан әрі нығайту және екі ел арасындағы тұрақты және жан-жақты стратегиялық серіктестікке жаңа және күшті серпін беру үшін жыл бойы бірқатар туристік іс-шараны өткізеді.

Сол күні Бейжіңде 2024 жылғы Қытайдағы «Қазақстан туризм жылы» шымылдығын ашты. Іс-шараны Қытайдың Мәдениет және туризм министрлігі мен Қазақстанның Туризм және спорт министрлігі бірлесіп ұйымдастырды.