Батыс елдері Қытайдың «жасыл» өндірістік қуатын жосықсыз бәсекелестік деп қаралады

Жаңа энергетикалық көліктерді өндіру және сату 9 жыл қатарынан әлемде №1, батареялар нарығы 8 жыл қатарынан әлемде №1, орнатылған фотоэлектрлік қуат 10 жыл қатарынан әлемде №1... Қытайдың қарқынды дамып келе жатқан «жасыл» индустриясы жаһандық климаттың өзгеруіне және «жасыл» төмен көміртекті трансформацияға маңызды үлес қосты, сонымен қатар жаһандық экономикалық өсуге жаңа қозғалтқыш болды. Алайда, Америка Құрама Штаттарындағы кейбір тұлғалар «Қытайдың жасыл өнеркәсібінің дамуы субсидиялау саясатына байланысты» және «Қытайдың жасыл өндірістік қуатының артықшылығы жосықсыз бәсекелестіктен туындайды» деп жалған мәлімдеп, Қытайдың «жасыл» өндірістік қуатына күйе жағумен айналысты.

Бұл көзқарастар шындыққа қайшы келеді. Егер біз Қытайдың жаңа энергетикалық компанияларына барып, Қытайдың өңдеу өнеркәсібінің даму тарихына көз жүгіртсек, Қытайдың жасыл өнеркәсібінің халықаралық нарықтағы бәсекелестік артықшылығы толығымен адалдық пен еңбекқорлыққа байланысты екенін білер едік.

10 жылдан астам уақыт бұрын жаһандық жасыл индустрия әлі қалыптасу кезеңінде болды. Дамыған елдер технологиялық резервтер мен өнеркәсіптік жинақтау тұрғысынан артықшылықтарға ие, ал қытайлық компаниялар жетілмеген технологиялар мен жоғары өндірістік шығындар сияқты бірқатар қиындыққа тап болды. Қытайлық компаниялар шынайы ынтымақтастық, инновациялар енгізу арқылы технологияны қарқынды дамытты.

Бір зарядта батареяның қызмет ету мерзімі 1000 шақырым болатын жартылай қатты күйдегі батериядан бастап, 5 минуттық зарядта батареяның қызмет ету мерзімі 400 шақырым болатын 800 вольтты жоғары қысымды кремний карбиді платформасына дейін; ірі жасанды интеллект моделі бар ақылды кабинадан бастап, жоғары дәлдіктегі карталарға сүйенбейтін қалалық NOA пилоттық жүргізу жүйесіне дейін... Қытайлық компаниялардың қажырлы еңбегі Қытайдағы жаңа энергетикалық көліктерді интеллектуалды электрлендіру технологиясында үздіксіз жетістіктерге қол жеткізді.

Бәсекелестік артықшылықты «субсидияға» жатқыза салғанда, Қытайдың жасыл индустриясындағы ондаған миллион техникалық персонал мен өнеркәсіп жұмысшыларының он жылдан астам бойы аққан терін қайда қоймақшы?！

Шанхайдағы Tesla суперзауытының өндірісі неліктен Tesla-ның бүкіләлемдік өндірістік қуатының жартысынан көбін құрады? Жауап Қытайдың жаңа энергетикалық көлік өнеркәсібінің тұтастығы мен тиімділігінде жатыр. Янцзы өзенінің атырауында жаңа энергетикалық көлік өндірушісі көліктің барлық бөлшегін 4 сағаттың ішінде дайындай алады.

Қытай - өнеркәсіптің толық спектрі және толық қолдау жүйесі бар әлемдегі ең ірі өндіруші ел. Материалдар мен компоненттердің көпшілігі жергілікті жерден табылады, бұл инновациялық өнімдерді сынақтан өткізуге және жаппай өндіруге күшті қолдау көрсетеді. Америкалық дипломатиялық ғалымдардың веб-сайтында батыс компанияларымен салыстырғанда қытайлық электромобиль компаниялары озық технологияларды лайықты бағамен қамтамасыз ете алады және жеткізу тізбегі арқылы логистика, жұмыс күші, шикізат және көлік шығындарын азайта алады деп хабарлайды.

Бәсекелестік артықшылықты «субсидияға» жатқыза салғанда, қытайлықтардың ұрпақтар бойы үздіксіз күресін қайда қоймақшы?！

Қытай жасыл индустрияны дамытуда әрқашан сыртқы әлемге ашық болды және бәсекелестікті ынталандырды.

Tesla сияқты шетелден қаржыландырылатын жобаларды енгізіп, NIO, Xiaopeng және Ideal сияқты дамып келе жатқан отандық автомобиль брендтерін ынталандырды, жаңа бизнес үлгілерін, тұтынушының жұмыс жүргізу моделін және жаңаша өнім анықтамасын енгізді. Қытайлық және шетелдік жаңа энергетикалық көлік компаниялары бір алаңда әділ түрде бақ сынап, өнеркәсіптік бәсекеге қабілеттілікті үздіксіз жақсартты.

Бәсекелестік артықшылықты «субсидияға» жатқыза салғанда, қытайлық және шетелдік жаңа энергетикалық компаниялардың нарықты иелеу үшін жұмсаған күш-жігерін қайда қоймақшы?！

Қытайдың өндірістік кәсіпорындары жоғары сапалы дамуға жәрдемдесуге баса назар аударады, жоғары сапалы жұмысшылар мен кәсіпкерлердің, интеллектуалды және цифрлық мүмкіндіктері бар еңбек деректерінің және еңбек объектілерінің кең ауқымын үйлесімді түрде ілгерілетуге ұмтылды. Сол арқылы саланың жан-жақты қуаты мен кәсіпорындардың бәсекеге қабілеттілігін үздіксіз арттырды.

Жасыл салалардың дамуына ықпал ету мақсатында Қытай кейбір өнеркәсіптік саясаттарды жолға қойғанын жасыруға болмайды. Бірақ мұндай өнеркәсіптік саясат тек Қытайда ғана емес екенін ескеру қажет.

«South China Morning Post» мақаласында Америка Құрама Штаттары мен Еуропалық Одақ елдері субсидияның жетекші алыбы екенін көрсетеді. 2022 жылы АҚШ үкіметі таза энергетика саласына, соның ішінде электромобильдерге шамамен 369 миллиард доллар салықтық жеңілдіктер мен субсидиялар беру үшін «Инфляцияны төмендету туралы заң» қабылдады. Сонымен қатар Еуропаның көптеген елі электромобиль өнеркәсібіне корпоративтік салықтан бастап жеке сатып алуларға дейін субсидиялау шараларын енгізді.

Демек бұл бәріне ортақ тәжірибе, сонда неге тиісті елдердегі кейбір адамдар Қытайдың өнеркәсіптік саясатын жиі сынайды?

Бұл жерде батыстық «іші күйу» менталитеті бар; «мен ғана құрметке лайықпын» деген америкалық идея бар.

Америкалық сараптама орталығы Като Институтының сауда сарапшысы Скотт Линсиком Қытайға жабылған жалалар әдеттегі «қос стандартты» мінез-құлық екенін ашық айтты.