Ван И ШЫҰ-ға мүше мемлекеттердің Сыртқы істер министрлері кеңесінің отырысына қатысты

22 мамыр, онлайн «Халық Газеті» -- Жергілікті уақыт бойынша 21 мамырда Қытай Коммунистік Партиясы Орталық Комитеті Саяси бюросының мүшесі және Сыртқы істер министрі Ван И Астанада ШЫҰ-ға мүше мемлекеттердің Сыртқы істер министрлері кеңесінің отырысына қатысты.

Ван И 23 жылдық бірлескен күш-жігерден кейін біз ШЫҰ-ны бұл аймақтағы қауіпсіздік тосқауылына, ынтымақтастық көпіріне, достық байланысына және сындарлы күшке сәтті айналдырдық деп атап өтті. Қазіргі уақытта ғасырлық өзгерістер жеделдеп, халықаралық жағдай аумалы-төкпелі және өзгеріске толы. Бірнеше елдер гегемониялық билікке ұмтылады, шағын шеңберлерді жасап, айтылмаған ережелерді шығарып, араласып, басып, «тізбектерді ажыратумен және үзумен» айналысты, тіпті аймақтағы «үш түрлі күшке» үлес қосты. Мақсаты - «Жаһандық Оңтүстіктің» стратегиялық дербестігін басуға тырысу және дамушы нарықтар мен дамушы елдерді жандандыру жолын жабу. Әлем былыққан сайын, біз соғұрлым «Шанхай рухын» ұстануымыз керек, дұрыс бағытты белгілеуіміз керек және ШЫҰ-ны одан әрі шынайы және құдыреттендіру арқылы ортақ мүдделерді тиімдірек қорғауымыз, әртүрлі сын-қатерлерге төтеп беруіміз, әділдік пен әділеттілікті қорғауымыз керек.

Ван И төрт ұсыныс жасады. Олар мыналар: біріншіден, біз стратегиялық дербестікті ұстанып, бірлік пен ынтымақтастықты сақтауымыз керек. Екіншіден, біз бейнет пен зейнетті бірге өткеріп, ынтымақтастық деңгейін арттыруымыз керек. Үшіншіден, біз инклюзивті және өзара тиімді шарттарды ұстанып, ынтымақтастық пен дамуды қамтамасыз етуіміз керек. Төртіншіден, біз ашықтық пен кеңдікті ұстанып, пікір алмасу мен өзара үлгі алуды тереңдетуіміз қажет.

Қатысушы елдердің сыртқы істер министрлері өз сөздерінде ШЫҰ-ның рөлі мен даму жетістіктерін жоғары бағалап, бір ауыздан «Шанхай рухын» ілгерілету, ынтымақтастық әлеуетін пайдалану, ашықтық пен кеңдікті сақтау, саяси, экономикалық және қауіпсіздік салаларындағы ынтымақтастықты нығайту, өзара байланысты нығайту, ортақ даму мен өркендеуге қол жеткізу, сондай-ақ әлемдік бейбітшілік пен тұрақты дамуға жаңа үлес қосу керегін айтты. Әр елдердің сыртқы істер министрлері терроризмнің барлық түрін айыптап, бірауыздан «үш түрлі күшке» қарсы күресті күшейтуге және аймақтық бейбітшілік пен тұрақтылықты сақтауға келісті.