Шығыс Қазақстанда көбелектің сирек кездесетін түрі анықталды

Шығыс Қазақстан облысы аумағында көбелектің сирек кездесетін түрі анықталды деп жазды ҚазАқпарат.

Катонқарағай мемлекеттік ұлттық табиғи паркінен ұсынған мәліметке сүйенсек, ғылым, экологиялық мониторинг және ақпарат бөлімі жоспарлы дала жұмыстарын жүргізген.

Соның барысында бөлім мамандары Зоология институтының энтомология зертханасының ғылыми қызметкері, доктор Сергей Титовпен бірлесіп, Шығыс Қазақстан облысында сирек кездесетін көбелектің түрін анықтады.