Қазақстаннан Қытайға жалпы астық экспорты 5,5 есе өсті

Қазақстанның Қытайға жалпы астық экспорты 5,5 есе өсті. Бұл туралы Үкімет отырысында ҚР Cауда және интеграция вице-министрі Қайрат Төребаев айтты деп жазды ҚазАқпарат.

«Қазақстанның 2024 жылға арналған астық дақылдары бойынша экспорттық әлеуеті 12 млн тонна, оның ішінде 7-7,5 млн тонна – бидай, 1,3-1,4 млн тонна – арпа, 300 мың тонна – жүгері. Сонымен қатар, майлы дақылдар бойынша әлеует 1 млн тоннадан асады. Өткен жылы Қытайға жалпы астық экспорты 1,43 млн тоннаны құрап, 2022 жылмен салыстырғанда 5,5 есе өсті. Оның ішінде бидайдың үлесі - 538,8 мың тонна, өткен жылғы көрсеткіштен 15 есе артық. Бұл Қытайға экспорт көлемін 1,6 млн тоннаға дейін арттыруға мүмкіндік береді», - деді ҚР вице-миинстрі.