Нинся Қазақстанмен экономикалық және сауда ынтымақтастығын нығайтады

11 қараша, онлайн «Халық Газеті» -- «Қазақстан - зығыр дақылдарын өндіретін ірі елдердің бірі. Ондағы зығырдың егістік аумағы үлкен, өнімділігі жоғары және сапасы тамаша. Осы дақылдар Қытай кәсіпорындарын бағалы шикізат ресурстарымен қамтамасыз етеді. Сонымен бірге бізде зығыр өсіру мен егу, өңдеу, жаңа өнімдерді ашу мен дамыту, зығыр талшығын пайдалану жағынан да ынтымақтастыққа кең мүмкіндік бар»,- деді Ningxia Junxingfang Food Technology Co., Ltd. компаниясының басшысы Ма Шаобинь. Компания 2016 жылдан бері Қазақстаннан зығыр тұқымын импорттап келеді. Тұрақты шикізатпен қамтамасыз ету аясында компанияның сату көрсеткіші 2017 жылы 57 миллион юаньнан 2023 жылы 310 миллион юаньға дейін тұрақты өсті.

Нинся - еліміздегі зығыр өңдеу мен зығыр майын тұтынудың негізгі аймағы. Нинсяның зығыр тұқымын өңдеудегі жылдық қуаты 200 000 тоннадан асады. Өзімізде өндірілген зығыр тұқымы Нинся кәсіпорындарының өндіріс және өңдеу қажеттіліктерін өтей алмағандықтан, соңғы жылдары Нинся кәсіпорындары жыл сайын Қазақстан мен басқа елдерден 150 мың тоннадан астам зығыр шикізатын сатып алып отыр.

Статистикалық мәліметтерге сүйенсек, 2022 жылы Қазақстаннан 55,62 миллион юаньға зығыр тұқымы әкелінген. 2023 жылы Қазақстаннан әкелінген зығыр, арпа және күнбағыс тұқымдарының құны 113,09 миллион юань болды.

Сонымен қатар Нинся компаниялары да сыртқы нарықтарға белсенді түрде шығып, қазақстандық компаниялармен ынтымақтастық орнатып келеді. 2021 жылы Ningxia Liupan Zhenfang Ecological Agriculture Technology Co., Ltd. компаниясы Қазақстанның елордасы Астанада компанияны тіркеді және Қостанай облысы Қостанай қаласында зығыр тұқымын отырғызу базасын салу үшін жергілікті Grain and Agriculture United Co., Ltd. кәсіпорнымен ынтымақтасып, зығыр тұқымының жаңа сорттарын белсенді түрде өсіруге үлгі болды.

Соңғы жылдары Нинся мен Қазақстан экономикалық және сауда саласындағы ынтымақтастықтарын үздіксіз тереңдетіп, екі тарап арасындағы импорт және экспорттық сауда көлемі 2014 жылы 52 миллион 850 мың юань болса, 2023 жылы орташа жылдық өсу қарқыны 180 миллион юаньға жетіп, жылына орта есеппен 14,6% өсті. Өнім зығыр, арпа, хром темір, полиэтилен және механикалық жабдықтар сындыларды қамтиды. Осылайша Қазақстан Нинсяның Орталық Азия елдеріндегі ірі сауда серіктесіне айналды.