Шетелдіктерге Шыңжаңда төлем жасау ыңғайлы болды

27 желтоқсан, онлайн «Халық Газеті» -- «Қазір Шыңжаңда бизнес жүргізу өте ыңғайлы. Unionpay, VISA және MasterCard т.б. сияқты банк карталарын қолдануға болады немесе Kaspi.kz (Caspi), Алипай немесе ақшалай төлем жасауға да ыңғайлы»,- деді қазақстандық кәсіпкер Саян Байбол.

Қытайдың (Шыңжаң) Еркін сауда пилоттық аймағы құрылғаннан бері Шыңжаңның қаржы институттары қаржылық қызмет көрсету сценарийлерінің құрылысын нығайтуды, көп деңгейлі және әртараптандырылған төлем қызметтері жүйесін құруды, сондай-ақ шетелдіктердің Шыңжаңдағы төлем жасау тәжірибесін үнемі жетілдіруді жалғастырып келеді.

Осы жылдан бастап Қытай Халық Банкінің Шыңжаң Ұйғыр автономиялық регионындағы филиалы өз юрисдикциясындағы коммерциялық банктер мен төлем мекемелерін бақыланатын тәуекелдер жағдайында мобильді төлем қызметтері мен өнімдерін үздіксіз оңтайландырды.

Ағымдағы жылдың мамыр айында Қытай Халық банкінің Шыңжаң Ұйғыр автономиялық регионындағы филиалы Қазақстанның электрондық әмияны Kaspi.kz пен Ant Group компаниясының ынтымақтастыққа қол жеткізуіне ықпал етті. Бұл Орталық Азия елдеріндегі пайдаланушыларға Қытайдағы мобильді төлем қызметтерін ұсынды. Kaspi.kz әмияны Қытайда кедергісіз қолданылатын болды. Қазіргі уақытта, Kaspi.kz пайдаланушылар Қытайдағы 80 миллионнан астам Alipay сатушыларында кодты сканерлеу арқылы төлем жасай алады.

«Біз бұрын Қазақстанға барып Kaspi.kz ашқанда ғана, сауда төлемін жасай алатынбыз»,- дейді Golden Harbor International Fur City компаниясының маркетинг жөніндегі менеджері Сун Ван. «Қазір Алипай мен Kaspi.kz ынтымақтастығынан кейін бүкіл сауда орталығындағы 100-ден астам саудагер Kaspi.kz-ты қолдана алады, транзакциялар әлдеқайда ыңғайлы»,- дейді ол сөзін сабақтап.

Сонымен қатар, банк мекемелері Қытайға келген шетелдіктерге шот ашу процесін жеңілдетті. Қазан айының соңындағы жағдай бойынша банктер Қытайға келген шетелдіктер үшін 2356 банктік шот ашты. Ал мобильді төлем кодтары бар карталар шетелдіктерге ыңғайлы болу үшін әртүрлі порттарда орналастырылды.