Өзбекстаннан Қазақстан мен Қытайға қатынайтын жаңа автобус рейстері ашылады

Өзбекстанның Көлік министрлігі жаңа халықаралық автобус рейстерін ашуды жоспарлап отыр, деп хабарлайды Kazinform.

Қарақалпақстан мен Қытайдың Шыңжаң-Ұйғыр автономиялық өңірін байланыстыратын маршрут іске қосылады. Ол Нүкіс - Үргеніш - Бұхара - Үрімші бағытымен қатынайды.

Сонымен қатар Қазақстанға мына бағыттар бойынша автобус рейстері ұйымдастырылады:

Бұхара - Түркістан; Үргеніш - Ақтау; Ферғана - Алматы (Тәжікстан аумағы арқылы).

Мұнымен бірге, Ресейге қатынайтын жаңа маршруттар ашылады:

Ташкент - Уфа; Ташкент - Краснодар; Нүкіс - Краснодар; Үргеніш – Нүкіс - Уфа; Сұрхандария – Бұхара – Үргеніш – Нүкіс - Мәскеу.