АҚШ «тарифтік таяқты» бей-берекет сермеп: «ауыртпалықты арттырды»

13 ақпан, онлайн «Халық Газеті» -- АҚШ-тың жаңа үкіметі билікке келгеннен бері тарифтер мәселесі тоқтамай келеді.

Жергілікті уақыт бойынша 11 ақпанда Ақ үй шенеуніктері АҚШ Президенті Трамп АҚШ-қа импортталатын болат пен алюминийге 25% баж салығын енгізуді жоспарлап отырғанын мәлімдеді. 1 ақпанда Трамп Канада мен Мексикадан АҚШ-қа экспортталатын тауарларға 25% баж салығын енгізу туралы жарлыққа қол қойған болатын. Содан кейін Трамп 3 ақпанда әлеуметтік желілерде Канадаға қатысты тарифтерді көтеру 30 күнге шегерілетінін хабарлады.

Жоғары тарифтер тек америкалық компаниялар мен тұтынушыларының жүктемесін арттырады және негізгі мәселені шешпейді. Moody's компаниясының бұрынғы есептеулері көрсеткендей, АҚШ тұтынушылары Қытайға енгізілген 92%-дық баждың жүктемесін арқалайды. Ал америкалық отбасылардың тарифтерге байланысты шығындары жылына орта есеппен 1 300 долларға артады.