Шыңжаңнан Балтық теңізі аймағына тіке қатынайтын Үрімжі-Таллин жүк бағыты ашылды

23 мамыр, онлайн «Халық Газеті» -- 21 мамырда тілші Үрімжі қаласындағы Дивопу әуежай кеденінен алған ақпаратқа сәйкес, сол күні Үрімжі Тяньшань халықаралық әуежайынан 51 тонна трансшекаралық электрондық коммерция жүктеріне толы рейс аттанды. Ұшақ Өзбекстанда тоқтағаннан кейін, Эстония республикасының астанасы Таллинге бағыт алады. Бұл Шыңжаңның Балтық теңізі аймағына алғашқы тікелей жүк тасымалдау бағыты.

Маршрут аптасына бір рет ұшады деп жоспарланып отыр. Бұл жолы ұшатын ұшақтың жүк көтергіштігі 51 тоннаға жетті, бұл дәстүрлі ұшақтарға қарағанда 30%-ға жоғары. Негізінен киім-кешек және қажетті заттар сияқты жеңіл өнеркәсіп өнімдерін тасымалдайды.

Осы уақытқа дейін Үрімжі 20 халықаралық қалаға 20 жүк тасымалдау бағытын ашты, оның ішінде Еуропалық бағыт он екіге жетіп, Шығыс Еуропаның, Солтүстік Еуропаның және Батыс Еуропаның негізгі хабтарын қамтиды. Осылайша Орталық Азияны негіз ете отырып, Еуропа қалаларына да жететін авиациялық логистикалық желі құрылды.