Қазақстан астық экспортын 58,4%-ға арттырды

«Қазақстан темір жолы» ұлттық компаниясының мәліметіне сәйкес, 2024 жылғы қыркүйектен 2025 жылғы 10 шілдеге дейін Қазақстаннан жаңа өнім астығының экспорты 9,3 млн тоннаны құрады. Бұл 2023–2024 жылдардағы сәйкес кезеңмен салыстырғанда 58,4%-ға артық деп жазды Қазақстан Республикасы Ауыл шаруашылығы министрлігі.

Экспорт көлемінің өсуі қазақстандық астықтың сыртқы нарықтарда жоғары сұранысқа ие екенін және жеткізу географиясын кеңейту мен логистикалық инфрақұрылымды жаңғырту бағытында қабылданып жатқан шаралардың тиімділігін көрсетеді.