Қытай-Қазақстан шекарасындағы Бақты порты кедендік рәсімдерді жеңілдетті

23 шілде, онлайн «Халық Газеті» -- 21 шілдеде Қытайдың солтүстік-батысындағы Шыңжаңның Тарбағатай аймағындағы Қытай-Қазақстан шекарасында орналасқан Бақты портында кедендік ресімдеудің инновациялық моделі іске қосылды. Бұл модельдің ерекшелігі – тауар шекара өткеліне келгеннен кейін ауыстырып қайта тиеудің қажеті жоқ.

Бұл модель арқылы кәсіпорындар тауарды жөнелту орнында немесе тауарларды тасымалдау кезінде кеденге тапсырыс бере алады. Кеден алдын ала құжаттарды қарау және қауіп-қатер ықтималдығын талдау сынды бірқатар жұмыстарды жасайды. Осылайша жүк көліктері портқа келгеннен кейін кедендік рәсімдеуді тез аяқтап, жүктерді сақтау мен күту уақыты айтарлықтай қысқарады.

Бақты порты жаңа әдісті енгізгеннен кейін, тауарларды кедендік рәсімдеу уақыты бастапқы 3-4 сағаттан 10 минутқа дейін қысқарады деп күтілуде.

Кедендік рәсімдеудің бұл моделі алғаш рет Шыңжаңдағы Алашанькоу портында 2023 жылдың қарашасында енгізілген еді. Үрімжі кедені табысты тәжірибесіне сүйене отырып, бұл қолайлы модельді Шыңжаңның басқа порттарына да қолдануда.