Қытайдағы құландар үйірі молайып, жалпы саны 900 тұяқтан асты

7 тамыз, онлайн «Халық Газеті» -- Тілші 6 тамызда Үрімжіде өткен «Құландардың оралуының 40 жылдығы» іс-шарасынан алған ақпаратқа сәйкес, осы уақытқа дейін Қытайдағы құланның саны 900-ден асты. Бұл — жаһандық популяцияның шамамен үштен бірін құрайды.

Құлан – бүгінгі әлемде жабайы жылқылардың тірі қалған жалғыз түрі. Ол 60 миллион жылдық эволюциялық тарихы бар «тірі мұра» ретінде белгілі. Жойылып кету қаупі төнген түрлердің «Қызыл кітабына» енгізілген, сонымен қатар Қытайдағы ұлттық деңгейде қорғалатын негізгі жабайы аң саналады. 40 жыл бұрын Қытай шетелден құлан әкелу үшін «құландарды өз топырағына қайтару» жобасын іске қосты және Шыңжаң мен Ганьсуда өсіру-қорғау-жетілдіру базаларын құрды.

Жоңғар ойпатының шығыс бөлігінде орналасқан Шыңжаң Карамайлы тұяқты жабайы аңдарды қорғау табиғи қорығы - өзінің бірегей географиялық және экологиялық артықшылықтарына сүйеніп, құландардың өсіп-жетілетін негізгі мекеніне айналды. Ғылыми қорғау стратегияларын жүзеге асыру, кәсіби мониторинг жүйесін құру, тіршілік ету ортасын оңтайландыру, сондай-ақ табиғат құшағына қайтаруды үздіксіз ілгерілету арқылы құландар популяциясы тұрақты түрде өсіп келеді.