Шанхайлық дәрігер мойны үзіліп кеткен науқасты құтқарды

20 тамыз, онлайн «Халық Газеті» -- Жақында Шанхайдағы Чанчжэн ауруханасы мойны үзіліп кеткен ауыр жарақат алған науқасқа қалпына келтіру және бекемдеу операциясын сәтті жасады. Бұл - медициналық ғажайып болды.

Осы жылдың маусым айында науқастың мойнына роботты қол тиіп, сол мезетте жансызданып, жүрегі тоқтап қалады. Жедел жүрек-өкпе реанимациясынан кейін науқас әлсіз өмір белгілерін байқатады. Операция алдындағы тексеру нәтижесі бойынша науқастың жұлыны ауыр жарақат алған, негізгі нейроваскулярлық құрылым бұзылған.

Бас дәрігердің бірі, Шанхай Чанчжэн ауруханасының ортопед-хирургі Чэн Хуацзян өзінің 30 жылдан астам тәжірибесінде мойын омыртқасының көптеген қауіпті жарақаттарын көргенін айтты, бірақ ол бірінші рет «бас пен дене бөлініп кеткен» жарақатпен бетпе-бет келген. Бұл науқас негізінен өлім табалдырығын аттаған болатын.

Операция алдында сарапшылар тобы науқастың жарақатын мұқият бағалады. 3 сағатқа созылған аса күрделі операциядан кейін науқастың жарақатын қалпына келтіру және бекіту отасы сәтті жасалды.

Операциядан кейін науқастың қауіпті өмірлік көрсеткіштері біртіндеп төмендеді. Қазіргі уақытта науқас қауіпті кезеңнен өтіп, оңалтудың соңғы сатысына өтті. Әрі қарай, аяқ-қолдардың әрекетін қалпына келтіру жұмысы үшін көп уақыт қажет.

Бұл сирек кездесетін және күрделі операцияның сәттілігі отандық омыртқа хирургиясы қауымдастығының назарын тез аударды. «Болашақта біз мойын омыртқасына операция жасаудың ашылмаған өрістеріне көшуді жалғастырамыз және технологияның көкжиегін үздіксіз барлаймыз», - деді Чэн Хуацзян.