«Keruen Express» туристік пойызымен 130-дан астам жолаушы сапарға аттанды

«Keruen Express» туристік пойызымен 130-дан астам жолаушы сапарға аттанды, деп хабарлады Sputnik. 

26 тамызда туристік пойыз «Алматы–Түркістан–Самарқан–Бұқара–Ташкент–Алматы» бағыты бойынша сапарға шықты. 130-дан астам жолаушы мінген бұл бағыт Қазақстан мен Өзбекстанды байланыстырып, жолаушыларға екі елдің тарихи және мәдени мұраларымен танысуға бірегей мүмкіндік береді.

Саяхат ұзақтығы 6 күнді, 26–31 тамыз аралығын қамтиды.

Аталған құрам Қазақстан мен Өзбекстан арасында қатынайтын жетінші туристік пойыз болды. Пойыз бес заманауи вагоннан тұрады: төртеуі – купе, біреуі – вагон-мейрамхана.