Қытай-Еуропа арктикалық контейнерлік экспресс бағыты көмбеге сәтті жетті

17 қазан, онлайн «Халық Газеті» -- Жергілікті уақыт бойынша 13 қазанда кешке Қытайдан жөнелтілген «Ыстанбұл көпірі» атты жүк кемесі Арктикалық су жолы арқылы Ұлыбританияның ең үлкен контейнерлік порты Фликсто портына сәтті жетті. Бұл Қытай мен Еуропа арасындағы әлемдегі алғашқы арктикалық контейнерлік экспресс-маршруттың сәтті ашылғанын белгіледі.

Жүк кемесіне 1000-нан астам стандартты контейнер тиеліп, 23 қыркүйекте Нинбо қаласының Чжоушань портынан жөнелтілді. Маршрут бір жағынан Қытайдың Нинбо, Шанхай, Циндао, Далянь және басқа да ірі порттарын байланыстырса, екінші жағынан Ұлыбританиядағы Фликсто портын, Нидерландыдағы Роттердам портын, Германиядағы Гамбург портын және Польшадағы Гданьск портын байланыстырады. Бұл Қытай мен Еуропадағы негізгі базалық порттар арасындағы ең жылдам контейнерлік маршрут. Солтүстік мұзды мұхитты кесіп өту арқылы сапар және тасымалдау уақыты айтарлықтай қысқарады.

Нинбо кеденінің статистикасына сәйкес, Қытай-Еуропа Арктикалық контейнерлік экспресс бағыты бойынша экспортталатын тауарлардың құны шамамен 1,4 миллиард юаньды құрайды, оның ішінде киім-кешек, энергия сақтау шкафтары, қуат батареялары және басқа да тауарлар бар.