Жеменей шекарасындағы импорт көлемі алғаш рет 10 миллион юаньнан асты

22 қазан, онлайн «Халық Газеті» -- 20 қазанда Жеменей портына қазақстандық күнбағыс майына толы бес көлік кірді. Көліктер кіргеннен кейін осы порттың импорт көлемі алғаш рет 10 миллион юаньнан асты.

Жеменей порты - Қытай, Қазақстан, Ресей және Моңғолияның түйіскен жерінде орналасқан Қытай мен Қазақстан арасындағы шекара бекеті. Жеменей тұрғындары өзара нарықтық сауда арқылы бір адамға күніне 8000 юаньға дейінгі тауарларды импорт салықтары мен баж салығынсыз алып өтуге мүмкіндік алады.

Осы жылдан бастап Жеменей кедендік және басқа да бірлескен инспекциялық бөлімшелерінің белсенді қолдауымен, Жеменей шекарасындағы халықтың өзара нарық сауда аймағы импорттаушылардың әртүрлілігі мен ауқымын белсенді түрде кеңейтіп, сәуір айында мұздатылған балық импортының бірінші тапсырысына қол жеткізді. Маусым айында күнбағыс майын жаппай импорттаудың бірінші тапсырысы және қыркүйекте бидай ұнын импорттаудың бірінші тапсырысын жүзеге асырды.