Қазақстандық бидайдың Қытайға сапары

18 қараша, онлайн «Халық Газеті» -- Сиань Айцзюй астық-май өнеркәсібі тобы Қытай-Еуропа пойызы арқылы Солтүстік Қазақстаннан Сианьға астық тасымалдау арнасын ашты.

Бұл ынтымақтастық моделі 2016 жылы басталып, алғашқы 2000 тонна қазақстандық май өнімдері арнайы пойызбен Сианьға жеткізілген болатын. Содан кейін бидайды тұрақты тасымалдау жолға қойылды.

Жоба «Ауыл шаруашылығына тапсырыс беру» ынтымақтастық моделін қолданды. Сиань Айцзюй астық-май өнеркәсібі тобы Қытай және Қазақстан сарапшыларымен бірлесе отырып, егіншілік технологиялары бойынша нұсқаулық береді және бекітілген бағамен өнімді сатып алуға кепілдік беретін келісімшарттар жасады. Қазіргі уақытта Солтүстік Қазақстанда 1,5 миллион му көлемінде кооперативті егін шаруашылығы базасы құрылып, жергілікті ауылшаруашылық өндірісінің технологиясын жетілдіріп отыр.

Тасымал жүйесі «Солтүстік Қазақстан-Алашанькоу-Сиань» логистикалық арнасына сүйене отырып, Солтүстік Қазақстанда жылдық өңдеу қуаты 1 миллион тонна ауылшаруашылық өнімдерінің логистикалық және қайта өңдеу паркін салды. Мұнда жиналған астық Шыңжаңдағы Алашанькоу торабында бастапқы өңдеуден өткізіліп, сұрыпталғаннан кейін Қытай-Еуропа пойызы (Сиань) арқылы 10 күнге жетпейтін уақытта Сиань Чаньба халықаралық портына жеткізіледі.

Қазір Қытай мен Қазақстан арасында бидай мен қышы майына толы арнайы пойыздар апта сайын қатынайды. Ал жылдық сауда көлемі бастапқы 30 000 тоннадан 100 000 тоннаға дейін өсті.

Сиань Айцзюй астық-май өнеркәсібі тобының заманауи өңдеу зауытында Қазақстаннан жеткізілген бидай бүкіл тізбекті қамтитын сапаны бақылау жүйесі арқылы қатаң сынақтан өтіп, ұн, кеспе және басқа да өнімдерге өңделіп, мыңға жуық сауда нүктесіне жөнелтілді.

Фото:Синьхуа