Қытай кемелерде қолданылатын «ақылды ферма» жобасын ұсынды

8 желтоқсан, онлайн «Халық Газеті» -- Алыс аймақтарда, әсіресе теңізде немесе полярлық аймақтарда жұмыс істейтін адамдар үшін жаңа піскен көкөністерді алу ұзақ уақыт бойы күрделі мәселе болып келді. Бірақ қазір олар өздері еккен көкөністерді жей алады.

Жақында Шанхайда өткен 2025 жылғы Қытай Халықаралық теңіз көрмесінде China Shipbuilding Group компаниясы ұсынған әлемдегі алғашқы теңіз гибридті интеллектуалды фермасы ресми түрде таныстырылды. Ол кеме сияқты жылжымалы көліктерде жеуге жарамды саңырауқұлақтарды, көкөністерді, жемістерді және басқа да дақылдарды жыл бойы өсіруге мүмкіндік береді.

China Shipbuilding тобы халықаралық инженерия компаниясының басқарма төрағасы Ян Вэньудың айтуынша, интеллектуалды отырғызу фермасы көкөністер арқылы көмірқышқыл газын сіңіріп, саңырауқұлақтардан көмірқышқыл газын шығаратыны таныстырылды, бұл саңырауқұлақтар, көкөністер мен жемістер арасындағы симбиоз мәселесін шешеді және шектеулі кеңістікте тиімді газ айналымын қалыптастырады.

Ақылды және дәл бақылау арқылы көкөністер, жеуге жарамды саңырауқұлақтар мен жемістер пестицидтерсіз таза ортада өседі және саңырауқұлақтардың, көкөністердің, жемістердің 120-дан астам түрін өсіруге болады.

Бұл жаңа тәсілдің тағы бір ерекшелігі – оның өнімі де айтарлықтай жақсы болады. Қазіргі уақытта ұқсас өнімдердің энергия тұтынуының әлемдегі жетекші деңгейі бойынша, көкөністің килограммына шамамен 10 квт/сағ электр энергиясы жұмсалады, ал Қытайдығы бұл әдіс әрбір 1 килограмм көкөніс үшін 6 квт/сағ-тан аз электр энергиясын тұтынады.