Хайнань еркін сауда портындағы бүкіл арал бойынша арнайы кедендік операция дегеніміз не?

15 желтоқсан, онлайн «Халық Газеті» -- 2025 жылдың 18 желтоқсанында Хайнань еркін сауда портының бүкіл арал бойынша арнайы кедендік операциялары ресми түрде басталады. Бүгін мен сіздерге Хайнань еркін сауда портының бүкіл арал бойынша арнайы кедендік операциялары қалай жұмыс істейтінін таныстырмақшымын.

Арнайы кедендік операциялар дегеніміз не?

Арнайы кедендік операциялар – бүкіл Хайнань аралын арнайы кедендік қадағалау аймағы етіп құрып, бұнда «бірінші деңгейде ашу, екінші деңгейде бақылау, арал ішінде еркін алмасу» дейтін негізгі сипаттамалары бар еркін және ыңғайлы саясат жүйесін енгізуді білдіреді.

«Бірінші деңгейде» ашу дегеніміз Хайнань еркін сауда порты мен еліміздің кедендік аумағынан тыс басқа елдер мен аймақтар арасы «бірінші деңгей» ретінде қаралып, мұнда еркін және ыңғайлы кіріп-шығу шаралары жүзеге асырылады; «екінші деңгейде» бақылау дегеніміз Хайнань еркін сауда порты мен Қытай материгі арасы «екінші деңгей» ретінде қаралып, «бірінші деңгейдегі» ашудың мазмұнына сәйкес дәл басқарады; арал ішінде еркін алмасу Хайнань еркін сауда портында әртүрлі элементтердің салыстырмалы түрде еркін айнала алатынын білдіреді.

Арнайы кедендік операциялардан кейін тауарларға салынатын салық саясатында бұған дейінгі жағдаймен салыстырғанда қандай жаңа өзгерістер болады?

Біріншіден, «кедендік нөлдік салық» тауарларымен қамту айтарлықтай жақсарады. Бүкіл арал бойынша арнайы кедендік операциялардан кейін импортталатын «кедендік нөлдік салық» тауарларға теріс тізімді басқару жүзеге асырылады, ал «кедендік нөлдік салық» тауарлардың алдыңғы оң тізімі импорттық салық салынатын тауарлар каталогымен ауыстырылады. «Кедендік нөлдік салық» тауарлардың көлемі шамамен 6600 салық тізіміне дейін көбейіп, барлық тауарлық салық тізімінің шамамен 74%-ын құрайды, бұл арнайы кедендік операцияларға дейінгі көрсеткіштен шамамен 53 пайыздық тармаққа жоғары.

Екіншіден, жеңілдіктерді пайдаланушылар ауқымы айтарлықтай кеңейеді. Қазіргі уақытта импортқа «кедендік нөлдік салық» саясаты тек Хайнань еркін сауда портында тіркелген тәуелсіз заңды тұлғалар кәсіпорындары мен мемлекеттік мекемелерге ғана жеңілдікке ие болуға мүмкіндік береді. Бүкіл арал бойынша арнайы кедендік операциялардан кейін, жеңілдіктерді пайдаланушылар негізінен бүкіл арал бойынша импортқа нақты қажеттіліктері бар кәсіпорындар, мемлекеттік мекемелердің барлық түрлерін және жеке кәсіпкерлік емес бөлімшелерді де қамтиды.

Үшіншіден, саясаттың шектеулері одан әрі жеңілдетіледі. Арнайы кедендік операциялардан кейін импортталатын «кедендік нөлдік салық» тауарлары мен олардың өңделген, өндірілген өнімдері енді кәсіпорындардың жеке пайдалануымен шектелмейді. Олар жеңілдікті игіліктенушілер арасында еркін айналымда болып, қосымша импорт салығынан босатылады.

Не үшін арнайы кедендік операциялар саясатын ұстану керек?

Хайнань еркін сауда портының ашылуы мен дамуы тек есікті ашып қана қоймайды, сонымен қатар адамдар, логистика, капитал сияқты элементтердің еркін және ыңғайлы ағыны бар түзімдік ортаны жүйелі түрде құру болып табылады. Арнайы кедендік операциялардан кейін жоғары деңгейдегі ашықтық бастамаларын зерттеуге және жүзеге асыруға көбірек мүмкіндік болады. Бұл Хайнаньның жоғары сапалы дамуы үшін үлкен маңызы бар және еліміздің реформа мен ашық есік саясатына жол іздеуде, жол ашуда өте үлкен рөл атқарады. Сонымен қатар бұл бүкіл әлемге Қытайдың жоғары деңгейдегі ашықтығын кеңейтуге деген шешімін көрсетеді.