Қытайдың «14-інші бесжылдық» жоспар кезінде APEC-тің басқа экономикаларымен импорт-экспортының жалпы көлемі 125 триллион юаньнан асты

5 ақпан, онлайн «Халық Газеті» -- Азия-Тынық мұхиты экономикалық ынтымақтастығының（APEC）«Қытай жылы» іс-шараларының маңызды бөлігі ретінде 2026 жылы APEC кедендік рәсімдер бөлімше комитетінің бірінші жалпы отырысы 4 ақпан күні Гуанчжоуда өтті. Бас қосуда тілшілер «14-інші бесжылдық» жоспар кезінде Қытай мен APEC-тің басқа экономикалары арасындағы импорты мен экспортының жалпы көлемі 125,49 триллион юаньға жеткенін, бұл «13-інші бесжылдық» жоспар кезеңімен салыстырғанда 39,4%-ға өскенін білді. Олардың ішінде 2025 жылы 26,29 триллион юаньға жетіп, сол кезеңдегі еліміздің жалпы сыртқы саудасының шамамен 60%-ын құрады.

Бас кеден басқармасы директорының орынбасары Чжао Цзэнлянь қазіргі уақытта Азия-Тынық мұхиты аймағының жалпы экономика көлемі әлемдік жалпы көлемнің 60%-ынан асатынын, ал сауда көлемі әлемдік көлемнің жартысына жуық екенін мәлімдеді. Бұл өміршеңдікке толы аймақ тек әлемдік экономикалық өсімнің қозғаушы күші ғана емес, сонымен қатар мұнда барлық ел мен аймақтардың ортақ дамуға деген үміті жатыр.