Ван И APEC-тің «Қытай жылындағы» басым бағыттарын таныстырды

11 ақпан, онлайн «Халық Газеті» -- 2026 жылғы Азия-Тынық мұхиты экономикалық ынтымақтастығының（APEC）жоғары лауазымды тұлғаларының алғашқы кездесуі 10 ақпанда Гуанчжоуда ашылды. ҚКП Орталық комитеті Саяси Бюросының мүшесі, Сыртқы істер министрі Ван И ашылу салтанатында барлық мүше елдер биылғы APEC көшбасшыларының бейресми кездесуінің бағыты айқын, мазмұны мол қорытынды құжатын дайындауын ілгерілетуі керек деп мәлімдеді.

Ван И Қытай биылғы кездесудің тақырыбы ретінде «Азия-Тынық мұхиты қауымдастығын құру және ортақ өркендеуді ілгерілету» деп белгілегенін, жылдық күн тәртібін «ашықтық, инновация және ынтымақтастық» сияқты үш басым бағыт төңірегінде ілгерілететінін айтты.

Ван И Азия-Тынық мұхиты еркін сауда аймағын құру жолын белсенді түрде кеңейту және өзара байланыс үшін жаңартылған жоспарды әзірлеуді ілгерілету қажет екенін атап өтті. Инновация арқылы цифрлық, интеллектуалды және жасыл трансформацияны ілгерілетіп, жаңа өсу нүктелерін жасау керек екенін айтты. APEC мүшелерінің әртүрлілігін ескере отырып, дамуға қатысты басқару мәселелері бойынша көптеген саладағы практикалық ынтымақтастық тереңдетіледі.

Сыртқы істер министрі APEC-тің «Қытай жылы» Қытайдың «15-інші бесжылдық» жоспары басталған кезеңмен тұспа-тұс келетінін, Қытайдың Қытай үлгісіндегі модернизацияның жаңа жетістіктерімен Азия-Тынық мұхиты аймағы мен әлемнің дамуына жаңа мүмкіндіктер сыйлайтынын мәлімдеді.

Фото：Қытай Сыртқы істер министрлігі