Қазақстанның стратегиялық нысандарын қорғау күшейтілді

Таяу Шығыстағы ахуалдың шиеленісуіне байланысты Қазақстан стратегиялық нысандардың терроризмге қарсы қорғанысын күшейту шаралары қабылданды. Бұл туралы сенатор Андрей Лукин мәлім етті, деп хабарлайды KAZINFORM.

Қазақстандық БАҚ өкілдері сенатордан ҚР Мемлекет басшысының стратегиялық нысандардың қауіпсіздігін күшейту жөніндегі тапсырмасынан кейін ірі мұнай жобаларының, атап айтқанда Қашаған және Теңізшевройл нысандарының қорғалу деңгейі туралы сұраған еді.

— Барлық құрылымымыз қызмет атқарудың күшейтілген режиміне көшірілді — бұл алдын алу шараларының бірі. Ал ескерту шараларына келсек, ең алдымен біздің стратегиялық нысандардың терроризмге қарсы қорғанысы туралы айтқым келеді. Қазақстан Республикасында орналасқан мұнай өндіруші кәсіпорындардың тиісті бөлімшелері бар және олардың әуеден де, құрлықтан да, сондай-ақ Каспий теңізі жағынан да террористік шабуылдарға қарсы әрекет ету бойынша нақты міндеттері белгіленген, — деді Андрей Лукин.