Қытай әлемдегі ең мықты ультра жоғары берік көміртекті талшығын шығарды

12 наурыз, онлайн «Халық Газеті» -- 11 наурыз күні Қытай тәуелсіз түрде жасалған T1200 ультра жоғары берік көміртекті талшығын (Carbon fiber) бүкіл әлем бойынша алғаш рет шығарды. Бұл жетістік әлемдік саладағы олқылықтардың орнын толтырып, Қытай үшін ультра жоғары берік көміртекті талшық өндірісінде маңызды белес болды.

T1200 деңгейіндегі ультра жоғары берік көміртекті талшығының шығарылуы Қытайды жүздеген тонна көлемде осы санаттағы көміртекті талшығының жаппай өндірісіне қол жеткізген әлемдегі алғашқы елге айналдырады. T1200 деңгейіндегі көміртекті талшықтың диаметрі адам шашының жуандығының оннан бір бөлігіне де жетпейді, соған қарамастан оның созылу беріктігі кәдімгі болаттан 10 есе артық, ал тығыздығы болаттың төрттен бір бөлігін ғана құрайды. Оны аэроғарыш, төмен биіктіктегі экономика және гуманоидты роботтар сияқты стратегиялық дамып келе жатқан салаларда кеңінен қолдануға болады.