Қытайда тармыр тарту: Шетел инвестициялаған кәсіпорындардың консенсусы және мүмкіндіктері

18 наурыз, онлайн «Халық Газеті» -- Қытай экономикасы қазіргі уақытта ерекше төзімділік пен өміршеңдік танытуда. «14-інші бесжылдық» жоспар кезеңінде ол 5,4% ЖІӨ-нің орташа жылдық өсу қарқынымен әлемнің ірі экономикаларының ішінде көш бастады. «15-інші бесжылдық» жоспардың басталуына ілесе, ашық, тұрақты және болжамды даму болашағы көптеген шетел инвестициялаған кәсіпорындарды Қытайда тамырын тереңге тартып, бірлескен дамуды жалғастыру туралы консенсусқа келтірді.

Жақында бірнеше көпұлтты компания жетекшілері Қытай нарығына қатысты ұзақ мерзімді сенімдерін білдірді. Corning Incorporated компаниясының вице-президенті Линь Чуньмэй Қытайдың «15-інші бесжылдық» жоспары жоғары сапалы дамуды нысанаға алып, көпұлтты кәсіпорындардың өзара тиімді дамуы үшін жаңа мүмкіндіктер жасайды деп санайтынын айтты.

DHL Express компаниясының Қытай аумағындағы бас директоры У Дунмин компанияның Қытайдағы жұмысының 40 жылдығына орай инвестицияларын тереңдете беретінін және қытайлық кәсіпорындардың әлемге бағытталуына қолдау көрсететінін мәлімдеді.

Henkel компаниясының Қытай аумағындағы президенті Анна да Қытай нарығының өсу әлеуетіне деген сенімін атап өтіп, жергілікті инновациялар мен таланттарға инвестиция салуды жалғастыруға уәде берді. Шетелдік инвестициялары бар кәсіпорындардың сенімі Қытайдың ерекше және жан-жақты артықшылықтарынан келеді.

Volkswagen Group（Қытай）компаниясының атқарушы вице-президенті Лю Юньфэн Қытайдың үлкен нарығы, толық өнеркәсіптік жүйесі, күшті инновациялық мүмкіндіктері бар екенін айтып, бұл артықшылықтардың қайталануы қиын екенін атап өтті. Белгісіздікке толы жаһандық жағдай аясында Қытай жаһандық экономикалық өсімге шамамен 30% үлес қосуды сақтап, осылайша жаһандық экономиканың «тұрақтандыру тұтқасы» болды.

Осы сирек кездесетін «тұрақтылықты» қамтамасыз ету үшін Қытай ашық есік стратегиясына берік болып қала береді: Біріншіден, «жұдырығын түюдің» орнына «қолын ұсынып», жаһандық даму бастамасын ұсыну және визасыз режим қолданатын елдерінің ауқымын кеңейту. Екіншіден, «қамалдар салудың» орнына «қабырғаларды бұзып», өндіріс секторындағы шетелдік инвестицияларға қол жеткізу шектеулерін толығымен алып тастау және «теріс тізімді» үздіксіз қысқарту. Үшіншіден, «ажыратудың» орнына «байланысты нығайтып», 22 пилоттық еркін сауда аймағы мен Хайнань еркін сауда портын құру.

Ашық ұстаныммен Қытай әлемдік экономикаға үздіксіз сенім мен серпін беруде.