Қытайдың төтенше жағдайларға материалдық көмек заттарының алғашқы партиясы Непалға құтқару мамандарымен бірге жетті

31 тамыз, онлайн «Халық Газеті» -- Непалдағы төтенше апатқа байланысты Қытай көмек көрсетуді жедел ұйымдастырды. Жергілікті уақыт бойынша 30 тамыз күні шатырлар, көрпелер, азық-түлік қоры, ұйықтайтын қаптар және алғашқы медициналық көмек жинақтары сияқты жалпы салмағы 50 тонна болатын, 13 200 зат түрлері бар көмек көрсету құралдарын тиеген Қытай Халық- азаттық армиясының әуе күштерінің екі Y-20 ірі ұшағы Непалдың Катманду қаласындағы Трибхуван халықаралық әуежайына қонды.

Непал үкіметінің өтініші бойынша Қытайдың Төтенше жағдайларды басқару министрлігі 29 тамыз күні 5 туннельдегі құтқару маманын шұғыл жіберді. Олар Сицзанның Цзилун ауданынан тік ұшақпен Непалдағы апатқа ұшыраған аймаққа барып, дереу су электр станциясының туннелінде құтқару жұмыстарын бастады. Қытайлық сарапшылар қазір ең ауыр зардап шеккен Расува ауданына келіп, туннельдің ішінде қалып қойған жергілікті адамдарды іздеу және құтқару жұмыстарын жүргізуде.

30 тамыз күні Қытайдың Непалдағы Төтенше және өкілетті елшісі Чжан Маомин Непалдың Қаржы министрі Сварним Ваглемен кездесті. Ресми өкіл Қытай үкіметі Непалдың апатқа қарсы күрес жұмыстарын қолдау үшін берген 2 миллион доллар төтенше ақшалай көмекті, сондай-ақ Қытайдың Қызыл Крест қоғамы бөлген 200 000 доллар жедел ақшалай көмекті Непал Премьер-министрінің апатқа қарсы күрес қорына тапсырды.

Естеріңізге сала кетейік, 26 тамыз күні Непалдағы мұздықтың құлауынан қатты лай көшкіні жүріп, көптеген адам жарақат алып, қазаға ұшырап, із-түзсіз кетіп, ауыр мүлік шығындары орын алған еді.

Фото: Синьхуа