16,68 метр! Қытайдың ең үлкен диаметрлі туннель бұрғылау машинасы Хэнань өлкесінің Чжэнчжоу қаласында өндіріс желісінен шықты

16 қыркүйек, онлайн «Халық Газеті» -- 15 қыркүйек күні Хэнань өлкесінің Чжэнчжоу қаласындағы өндіріс желісінен өте үлкен диаметрлі балшық су балансы туннель бұрғылау машинасы «Қытай темір жолы 1662» шығарылды. Бұл жабдықтың қазу диаметрі 16,68 метр, жалпы ұзындығы 125 метр және салмағы шамамен 4800 тонна. Ол еліміздегі бүгінге дейін тәуелсіз түрде жасалған ең үлкен диаметрлі туннель бұрғылау машинасы.

Бұл жабдықты Қытай теміржол туннель тобы, Қытай теміржол төртінші бюросы және Қытай теміржол жабдықтары тобы бірлесіп әзірлеп шығарды. Ол Хэфэй G4001 қосылыс желісіндегі Дунпу су қоймасының астындағы туннель жобасына қолданылады.

Туннель бұрғылау машинасы атмосфералық қысымды кескіш пышағымен жабдықталған, ол жоғары қысымды ортада атмосфералық қысымды кескіш пышағын ауыстыра алады. Сол арқылы құрылыс тиімділігі мен пайдалану қауіпсіздігін сақтайды. Сондай-ақ ол қиыршық топырақты өңдеу және су астындағы пайдалану мен техникалық қызмет көрсету қаупін азайту, туннель құрылысының қауіпсіздігін қамтамасыз ету үшін «бұрандамен тікелей шығару + сыртқы ұсақтау» әдісін қолданатын озық айналымды балшықтарды шығару жүйесімен жабдықталған.