Ташкентте екінші кезекті Қытай мен Өзбекстан арасындағы дәстүрлі қытай медицинасы мәдениеті апталығы басталды

17 қыркүйек, онлайн «Халық Газеті» -- 15 қыркүйек күні Өзбекстан астанасы Ташкентте екінші кезекті Қытай мен Өзбекстан арасындағы дәстүрлі қытай медицинасы мәдениеті апталығы өз жұмысын бастады.

Іс-шара «Дәстүрлі қытай медицинасы мәдениетін дәріптеу және денсаулық сақтау саласында бірлескен Қытай мен Өзбекстан қауымдастығын құру» тақырыбында өтті. Апталық «Бір белдеу, бір жол» бастамасы аясында дәстүрлі медицина саласындағы өзара тәжірибе алмасуды тереңдетіп, дәстүрлі қытай медицинасын жалғастыруға, инновациялық дамуын ілгерілетуге, сондай-ақ Орталық Азия халқының денсаулығы мен әл-ауқатын жақсартуға бағытталған.