Қытайда қорықта бағылатын пандалар саны 830-ға жетті

4 қараша, онлайн «Халық Газеті» -- Панда — Қытайға тән ерекше жануар және жаһандық биоалуантүрлілікті сақтау ісіндегі маңызды танымал түр. Ұлттық орман шаруашылығы және жайылым басқармасы директорының орынбасары Ли Юньцин 3 қарашада Қытайдағы қорықта бағылатын пандалар саны 830-ға жеткенін, сондай-ақ олардың генетикалық әртүрлілігі де жақсара түскенін айтты.

Сол күні Ли Юньцин Сычуань өлкесінің Чэнду қаласында өткен 2026 жылғы пандаларды қорғау жөніндегі жаһандық серіктестер конференциясында сөз сөйлеп, биыл панда ұлттық паркінің құрылғанына 5 жыл толып отырғанын атап өтті. Бұл кезеңде пандаларды қорғау және халықаралық ынтымақтастық саласында айтарлықтай жетістіктерге қол жеткізілді. Экологиялық дәліздерді дамыту арқылы оқшауланған 13 панда популяциясы негізгі популяциямен қайта байланыстырылып, олардың мекендеу ортасының тұтастығы едәуір жақсарды. Аталған дәліздерде пандалар мен басқа да жануарлардың белсенділігі 150-ден астам рет тіркелді. Қазіргі таңда пандалардың бұл дәліздер арқылы әртүрлі аумақтар арасында еркін жүруі, яғни бір-біріне «қонаққа баруы» немесе жұптасуға серіктес іздеуі қалыпты жағдайға айналды.

Сонымен қатар, Ұлттық пандаларды қорғау және зерттеу орталығы іргелі және озық ғылыми бағыттар бойынша зерттеу ауқымын кеңейтуді жалғастыруда. Дрондар мен жасанды интеллект сияқты жаңа технологияларды енгізу процесі тереңдеп, «әуе – жер – ғарыш» жүйесін қамтитын кешенді бақылау тетігі үздіксіз жетілдіріліп келеді. Бұған қоса, генетика және оңалту сияқты салалардағы ғылыми жаңалықтарды қолдану арқылы пандаларды өсіру, оларға күтім жасау және медициналық көмек көрсету мүмкіндіктері айтарлықтай жақсарды.

Фото：Синьхуа