Шыңжаңның Текес ауданында тауешкілер саны көбейе түсті (2)

17 қараша, онлайн «Халық Газеті» -- Жақында Шыңжаңдағы Іле қазақ автономиялық облысына қарасты Текес ауданының Бозадыр қыстауында жойылып кету қаупі төнген тауешкілерінің үйірі пайда болып, тау баурайында жайылып жүргендері байқалды. Текес ауданы соңғы жылдары жабайы аңдар мен өсімдіктерді дәріптеп, қорғауды күшейтті. Экологиялық ахуал барған сайын жақсарып, аудан көлемінде тауешкілер саны көбейе түсті.

Екінші деңгейлі мемлекеттік санатта қорғалатын тауешкілері тау-тастарда, жар қабақтарда жайылуға епті. Олар 3500-ден 6000 метрге дейінгі биіктіктегі қыраттар мен таулы аймақтарды мекендейді.