Салмағы 270,4 грамм болатын алып панданың әлемдегі ең ауыр төлі өмірге келді

18 тамыз, онлайн «Халық Газеті» -- Қытайдағы алып пандаларды қорғау және зерттеу орталығының мәліметінше, Панда орталығының алып пандасы «Цюицюи» 5 тамызда Сычуаньдағы панда базасында салмағы 270,4 грамм болатын ұрғашы төлді дүниеге әкелді. Сөйтіп ол өткен жылғы алып панда орталығындағы салмағы 249 грамм болған төлдердің рекордын жаңалады. Бұл әлемдегі қазірге дейін қолда бағылған алып панда туған салмағы ең ауыр төл болды.