Чжанчжоудағы су астынан табылған археологиялық қазбалар алғаш рет көрмеге қойылып, еліміздің 700 жыл бұрынғы гүлденген теңіз саудасын көрсетті (5)

22 қыркүйек, онлайн «Халық Газеті» -- Қыркүйектің 21-і күні теңіз саудасының інжу-маржаны саналатын Чжанчжоудың Қасиетті Граил аралындағы Юань дәуірінде суға батқан кеменің археологиялық жетістіктер көрмесі Чжанчжоу мұражайында ашылып, ежелгі Қытайдың гүлденген теңіз саудасын көрсетті.

Жеті жүз жыл бұрын Чжанчжоудағы Қасиетті Граил аралындағы теңізге Лунцюань фарфор бұйымдарына толы кеме батып кеткеннен бері теңіздің түбінде терең көміліп жатқан еді.

2014 жылы Мемлекеттік мәдени мұра басқармасының рұқсатымен Фуцзянь өлкесінің мұражайы тиісті теңіз аймақтарындағы су асты мәдени мұраларын зерттеуді ұйымдастырып, алғаш рет шөккен кеменің су астындағы орнын тапты. Зерттеулер арқылы кеме апатқа ұшыраған жер Чжанчжоу қаласы, Гүлэй портының экономикалық даму аймағындағы Гүлэй түбегінің шығыс жағында, Қасиетті Граил аралының теңіз аймағындағы 28-31 метр тереңдіктегі су астында екені анықталды. Ол дәстүрлі теңіз Жібек жолының Оңтүстік бағыты мен Шығыс бағытының (Фуцзяньнан Тайваньға, одан Филиппинге дейінгі маршрут) қиылысында орналасқан.

2021 жылы Мемлекеттік мәдени мұра басқармасының Археологиялық ғылыми-зерттеу орталығы және басқа да бөлімшелер бұл орынға үшінші рет барлау жүргізіп, су астындағы шөгінділер негізінен фарфор және кеме қаңқалары екенін анықтады. Әсіресе, кеменің екі жақ қапталындағы шамамен 300 шаршы метр аумақта мәдени жәдігерлер тығыз орналасқан. Тіпті фарфор үйінділері сақталған және олардың көпшілігін қалпына келтіруге болады. Зерттеу барысында 700-ге жуық үлгілер жинақталды. Олардың ішінде ыдыс-аяқтар, тостағандар, табақтар, шәугімдер, стакандар және кадило бар. Сондай-ақ айдаһар кескінделген үлкен табақтар мен қос балық бедерлі шәугімдер және т.б. бұйымдар табылды. Зерттеушілер ыдыстардың шүмегіне қарап, оларды Юань әулетінің соңғы дәуіріндегі бұйымдар екенін болжады.